Fjarvinna

Með fjarvinnu er átt við að starf eða verkefni sé unnið að staðaldri á vinnustöð utan hefðbundinnar starfsstöðvar á vinnustaðnum, til dæmis heima hjá starfsfólki. Hér er ekki átt við þegar starfað er tilfallandi á kaffihúsi eða öðrum sambærilegum stað. Fjarvinna er hvorki háð tíma né staðsetningu og hefur því aukið sveigjanleika í störfum margra.

Kostir við fjarvinnu

• Aukin framleiðni þar sem starfsfólk verður síður fyrir truflunum heima en á skrifstofunni.

• Auðveldara að samhæfa vinnu og einkalíf með sveigjanlegri vinnutíma. Býður til dæmis upp á að vera til staðar þegar 
börn koma heim úr skóla og minni tími fer í ferðir milli vinnu 
og heimilis.

• Aukin starfsánægja að eiga kost á að vinna heima eða á öðrum skilgreindum stað þar sem það er tilbreyting frá skrifstofuvinnunni.

• Sveigjanlegir vinnustaðir draga að sér hæfara starfsfólk og búseta starfsfólks skiptir minna máli.

• Jákvæð áhrif á umhverfið vegna minni bíla- og flugumferðar sem dregur úr loftmengun og losun gróðurhúsalofttegunda.

• Sparnaður atvinnurekanda vegna húsnæðiskostnaðar.

Fjarvinna hefur einnig í för með áskoranir, bæði fyrir starfsfólk og stjórnendur. Þess vegna er mjög mikilvægt að vinnustaðir setji sér viðmið í fjarvinnustefnu og hugi vel að því hvernig standa skuli að fjarvinnu starfsfólks.

Áskoranir tengdar fjarvinnu

• Flókið að gera áhættumat á vinnustöð heima hjá starfsfólki eða á öðrum skilgreindum stað.

• Lakari vinnuaðstaða.

• Mörkin milli vinnu og einkalífs óskýrari.

• Aukin hætta á lengri vinnudegi og að starfsfólk láti hjá líða að taka viðeigandi hlé frá vinnu.

• Erfiðara að biðja um aðstoð eða fá endurgjöf

• Aukin spenna í samskiptum stjórnenda og starfsfólks þegar samskiptavenjur hafa ekki verið skilgreindar.

• Erfiðara að fylgjast með framvindu verkefna.

• Erfiðara að stuðla að öflugri teymisvinnu, byggja upp tengsl innan teyma og eiga árangursrík samskipti.

• Neikvæð áhrif á vinnustaðamenningu þar sem vinnufélagar hætta að hittast.

• Félagsleg einangrun og einmanaleiki.

• Þjónusta vegna viðhalds á tækjum og búnaði, svo sem tölvum, skrifborðum og stólum.

• Álitaefni sem geta komið upp varðandi búnað, ábyrgð og kostnað vegna fjarvinnu.