16.10.19

Lífsleikni: forvarnir og geðrækt í heilsueflandi skólastarfi

Námskeið fyrir kennara og stjórnendur í grunnskólum sem hafa áhuga á að öðlast frekari þekkingu á forvörnum og geðrækt, auk frekari færni í að kenna lífsleikni. Að námskeiði loknu ættu þátttakendur að hafa öðlast þekkingu og verkfæri til að nýta í vinnu með lífsleikni, geðrækt og forvarnir í skólanum.

Markmið námskeiðsins er að þátttakendur öðlist innsýn inn í mikilvægi þess að gerð sé námsskrá í geðrækt og lífsleikni fyrir grunnskóla og að stuðst sé við gagnreyndar aðferðir við kennslu á þeim þáttum sem falla undir geðrækt, forvarnir og lífsleikni. Einnig að þeir átti sig á hvernig menning og starfshættir skólans geta stutt við félags- og tilfinningafærni nemenda, tengsl þeirra við skólann og jákvæðan skólabrag. Meginviðfangsefni eru hvernig hægt er að auka gæði geðræktar og lífsleiknikennslu í grunnskólum og mikilvægi virkrar þátttöku nemenda. Auk mikilvægi kennslu og þjálfunar í hegðunar-, félags- og tilfinningafærni.

Námskeiðið er byggt upp með erindum og umræðum. Farið verður m.a. vel yfir niðurstöður nýrrar landskönnunar á geðrækt í skólastarfi, nýtt staðreyndablað um „Hvað virkar í tóbaks-, áfengis- og vímuforvörnum í skólum“ og gagnreynt námsefni sem er í boði fyrir grunnskóla. Námskeiðið er þrjú skipti 16. og 17. október og 1. nóvember, sjá tímasetningu hér fyrir neðan.

Námskeiðið er þátttakendum að kostnaðarlausu en skráning er bindandi. Fjöldi verður takmarkaður þannig mikilvægt er að láta vita ef búið er að skrá á námskeiðið og viðkomandi kemst ekki. Vinsamlega sýnið tillitsemi með því að gera ráð fyrir að mæta öll þrjú skiptin því námskeiðið er byggt upp með það í huga.

Tímasetningar og viðfangsefni:

16. okt. kl 13-16 – stofa K 206

  • Geðrækt í grunnskóla, Sigrún Daníelsdóttir verkefnastjóri geðræktar
  • Ofbeldsforvarnir í grunnskólum, Jenný Ingudóttir verkefnastjóri ofbeldisforvarna

17. okt. kl 14-16 – stofa K 202

  • Lífsleikni í grunnskóla, Ingibjörg Guðmundsdóttir verkefnastjóri Heilsueflandi grunnskóla
  • Áfengis- og vímuvarnir í grunnskólum, Rafn M. Jónsson verkefnastjóri áfengis- og vímuvarna

1. nóv kl. 13-16 – stofa H 206

  • Verkefnavinna tengd áætlun um lífsleikni og geðrækt í grunnskólum, Ingibjörg Guðmundsdóttir

Nánari upplýsingar gefur Ingibjörg Guðmundsdóttir ingibjorg@landlaeknir.is

 

Staðsetning: Háskóli Íslands, Menntavísindasvið, við Stakkahlíð.

Tímasetning: 16., 17. október og 1. nóvember eftir hádegi.

Kort: Sjá staðsetningu


Skrá mig á viðburð

<< Til baka