25.09.19

Heilsa og velferð barna og unglinga - Morgunverðarfundur Náum áttum

Athugið að þessi viðburður er liðinn.

Heilsa og velferð barna og unglinga er yfirskrift næsta morgunverðarfundar Náum áttum sem verður haldinn á Grand hótel, miðvikudaginn 25. september 2019 kl. 08:15-10:00.

Á fundinum fjallar Alma D. Möller landlæknir um mikilvægi svefns hjá börnum og ungmennum, Unnur Arna Jónsdóttir og Hrafnhildur Sigurðardóttir hjá Hugarfrelsi ræða um fyrirbyggjandi aðferðir gegn kvíða og streitu hjá ungmennum og Gísli Rúnar Guðmundsson menntastjóri segir frá starfi Nú grunnskóla í Hafnarfirði sem leggur áherslu á íþróttir, hreyfingu, heilsu og vendinám. Fundarstjóri er Bryndís Jónsdóttir. 

Sjá nánar dagskrá

Skráningu á vef Náum áttum

Þátttökugjald er 3.000 krónur sem þarf að staðgreiða.
Morgunverður er innifalinn í gjaldinu.

Náum áttum hópinn mynda fulltrúar nokkurra stofnana og félagasamtaka sem vinna að forvörnum, velferð, vernd og mannréttindum barna.

Þeir eru; Embætti landlæknis, Félag fagfólks í frítímaþjónustu FFF, Barnaverndarstofa, FRÆ Fræðsla og forvarnir, Reykjavíkurborg, Vímulaus æska / Foreldrahús, IOGT á Íslandi, Heimili og skóli, Þjóðkirkjan, Lögreglan á höfuðborgarsvæðinu, Barnaheill - Save the Children á Íslandi, Samband íslenskra sveitarfélaga og Umboðsmaður barna.

Staðsetning: Grand hótel

Tímasetning: 25. september 2019 kl. 08:15-10:00.

Tengill: Sjá nánari upplýsingar

<< Til baka