22.09.17

Málþing um heilsueflandi samfélag og vellíðan fyrir alla með Richard Ryan

Athugið að þessi viðburður er liðinn.

Sjá stærri mynd

Embætti landlæknis, Endurmenntun Háskóla Íslands og menntavísindasvið Háskóla Íslands standa fyrir málþingi um vellíðan og heilsueflandi samfélag, föstudaginn 22. september kl. 12:30 - 16:00 í Hátíðarsal Háskóla Íslands.

Málþingið er haldið í tilefni af komu hins heimsþekkta fræðimanns Richard Ryan til landsins en hann er talinn vera einn af áhrifamestu sálfræðingum okkar tíma. Hann er annar upphafsmaður Self-determination theories (SDT) eða sjálfsákvörðunarkenninga, sem eru kenningar um áhugahvöt (motivation) og vellíðan (well-being).

Á málþinginu verður fjallað um hvernig grundvallarþættir kenningarinnar, sjálfræði, hæfni og tengsl stuðla að velgengni og vellíðan. Hvernig geta skólinn, heilbrigðiskerfið og samfélagið stutt okkur í því að efla heilsu og bæta líðan? Einnig verður fjallað um af hverju það er farsælt að vinna með áhugahvöt fólks til að styðja það í að ná markmiðum sínum, hvort sem er til að læra nýja færni, breyta hegðun til að bæta heilsu eða almennt til að njóta lífsins betur.

Verð: 4.000 kr.

Fyrirlesarar: Dr. Richard Ryan, SDT, Dr. Ingibjörg Vala Kaldalóns, lektor við menntavísindasvið HÍ, Dr. Sveinbjörn Kristjánsson, sérfræðingur í hegðunarbreytingum hjá Embætti landlæknis og Dr. Dóra Guðrún Guðmundsdóttir, sviðstjóri áhrifaþátta heilbrigðis hjá Embætti landlæknis og kennslustjóri diplómanáms í jákvæðri sálfræði

Skráning og nánari upplýsingar á síðu Endurmenntunar Háskóla Íslands.

Staðsetning: Hátíðarsal Háskóla Íslands.

Tímasetning: Föstudagur, 22. september kl. 12:30 - 16:00

Kort: Sjá staðsetningu

<< Til baka