21.08.15

Ráðstefna um heilsueflandi starf í grunnskólum 21. ágúst 2015

Athugið að þessi viðburður er liðinn.

Sjá stærri mynd

Ráðstefna Heilsueflandi grunnskóla 2015 verður haldin þann 21. ágúst næstkomandi í Víðistaðaskóla í Hafnarfirði kl. 8:30 – 16:00. 

Fyrirlestrar og fræðsluerindi eru á dagskrá ráðstefnunnar fyrir hádegi og fjalla þeir um mótun heilsustefnu og aðgerðaáætlunar. Grunnþátturinn Heilbrigði og velferð í aðalnámskránni verður kynntur og útskýrt hvernig hann tengist Heilsueflandi grunnskóla. Einnig verður sagt frá reynslu af innleiðingu heilsueflandi starfs í grunnskólum.

Eftir hádegi verður boðið upp á málstofur sem tengjast þeim áhersluþáttum sem Heilsueflandi grunnskóli byggir á. Lögð verður áhersla á að kynna hugmyndir og námsefni sem er hagnýtt fyrir starf grunnskóla. 

Meðan ráðstefnan stendur verður efni tengt heilsueflingu til sýnis á kynningarborðum. Má þar nefna efni frá Embætti landlæknis, Menntamálastofnun, Heimili og skóla, Leik að læra, Stigi af stigi, SMT, ART o.fl.

Þátttökugjald er 2500 krónur og í því er innifalið morgunhressing, léttur hádegisverður og síðdegishressing.

Sjá dagskrá (með fyrirvara um breytingar) (PDF)

Síðasti dagur til að skrá þátttöku er þriðjudagurinn 18. ágúst 2015.

Upplýsingar um ráðstefnuna eru einnig á Facebook.

Staðsetning: Víðistaðaskóli í Hafnarfirði

Tímasetning: 21. ágúst 2015, kl. 8:30–16:00

Verð: 2500

Kort: Sjá staðsetningu

Tengill: Sjá nánari upplýsingar

<< Til baka