Hvað þýðir að niðurstaða PCR prófs sé óviss (vafasvar)?

[Enska - Pólska - Spænska - Lihtáíska]

 

PCR próf vegna COVID-19

Hvað þýðir að niðurstaða prófs sé óviss (vafasvar)?

Vafasvar þýðir að niðurstöður rannsóknar á sýni sem tekið var til greiningar á SARS-CoV-2 veirunni gaf ekki afgerandi svar. Ástæða fyrir þessari niðurstöðu geta verið ýmsar. Nauðsynlegt er að fara í nýtt PCR-próf en þú þarft að bíða í einn dag til að endurtaka PCR prófið. Ekki skyldi fara of fljótt aftur í próf því þá er meiri hætta á að fá aftur vafasvar.

Þú munt fá nýtt strikamerki (INC) að kvöldi næsta dags til að nota daginn þar á eftir. Ef svar úr endurteknu prófi er jákvætt (veiran fannst) er fólk beðið um að halda sig til hlés í 5 daga (frá dags jákvæðs sýnis) og fylgja leiðbeiningum um einangrun. Ef svar er neikvætt ertu ólíklega með sjúkdóminn.

Ef svar er aftur vafasvar mun COVID göngudeild Landspítala hafa samband við þig símleiðis og ákveða næstu skref. Þangað til endanleg niðurstaða fæst þarftu að fylgja leiðbeiningum um smitgát því mögulega er um smit að ræða. Ef einkenni versna skaltu leita ráða hjá heilbrigðisþjónustunni.


Fyrst birt 01.12.2021
Síðast uppfært 03.03.2022

<< Til baka