Krafa um neikvætt COVID-19 próf við komuna til landsins - frá og með 27. júlí

Allir sem koma til Íslands eftir meira en sólarhringsdvöl á skilgreindu áhættusvæði þurfa að sýna vottorð um neikvætt próf gegn SARSCoV-2/COVID-19 áður en þeir stíga um borð í flugvél eða skip á leið til landsins og einnig við komuna skv. reglugerð.

Skilyrði sóttvarnalæknis um vottorð um neikvætt próf

  • Ferðamenn sem framvísa vottorði um fulla bólusetningu eða fyrri sýkingu:
      • Neikvæðrar niðurstöðu á PCR-prófi (RNA) eða hraðprófi (mótefnavaka, e. antigen) fyrir SARS-CoV-2/COVID-19 er krafist.
      • Einstaklingum sem ekki geta framvísað vottorði við komu til landsins verður gert að fara í PCR-próf á landamærum og fylgja reglum um sóttkví þar til niðurstaða fæst.
  • Ferðamenn sem ekki framvísa vottorði um fulla bólusetningu eða fyrri sýkingu:
      • Neikvæðrar niðurstöðu á PCR-prófi (RNA) fyrir SARS-CoV-2/COVID-19 er krafist. Hraðpróf (e. antigen) eru ekki tekin gild fyrir þessa ferðamenn sem verða að fara í 2 sýnatökur við komuna, fyrri sýnatöku á landamærum og seinni 5 dögum síðar á vegum heilsugæslu.
      • Einstaklingum sem ekki geta framvísað vottorði við komu til landsins verður annað hvort snúið til baka eða þeim gert að greiða sekt.
      • Íslenskum ríkisborgurum verður þó ekki meinað að koma til landsins.
  • Vottorði skal framvísa við byrðingu í brottfararlandi og aftur á landamærum við komu.
  • Próf verður að hafa verið tekið innan við 72 klukkustundum fyrir brottför.
      • Ef farþegi er að koma með tengiflugi þá telur 72 klst. frá byrðingu fyrsta flugleggjar.
  • Þarf að vera á ensku eða Norðurlandamáli (íslensku, dönsku, norsku, sænsku) þó ekki finnsku.
  • Vottorð á öðru tungumáli má taka gilt ef þýðing stimpluð af löggildum skjalaþýðanda fylgir á einu af tungumálunum sem krafist er.
  • Fornafn og eftirnafn og fæðingardagur þess sem próf var tekið frá (sambærilegt við ferðaskilríki).
  • Dagsetning prófs.
  • Heiti og símanúmer rannsóknarstofu (eða nægar upplýsingar svo hægt sé að fá próf staðfest).
  • Í forskráningu þarf að staðfesta að prófi verði framvísað við komuna.

 

Undanþegnir því að framvísa neikvæðu prófi eru:

  • Börn fædd 2005 og síðar.
  • Þeir sem hafa dvalið skemur en sólarhring erlendis á skilgreindu áhættusvæði Opnast í nýjum glugga.
  • Þeir sem hafa dvalið utan áhættusvæða sl. 14 daga.
  • Áhafnir og ákveðnar stéttir á vinnuferðum erlendis, enda hafi þær undanþágubréf frá sóttvarnalækni.

Fyrst birt 18.02.2021
Síðast uppfært 22.07.2021

<< Til baka