Vottorð um bólusetningu vegna COVID-19 viðurkennd á landamærum til undanþágu á sóttvarnaraðgerðum

(Enska - Pólska - Spænska - Litháíska)

 

Ferðamenn þurfa að forskrá sig á covid.is. Þar er einnig netspjall fyrir spurningar.

Ferðamenn sem framvísa vottorði um fulla bólusetningu sem eru viðurkennd á landamærum eru undanþegnir ákveðnum sóttvarnaaðgerðum vegna COVID-19 skv. reglugerð.

Flugrekandi getur neitað farþega byrðingu ef hann er ekki forskráður eða með vottorð sem er krafist. Sjá hér. Ekki skyldi þó synja íslenskum ríkisborgara um flutning.

Full bólusettur og ekki með tengsl við Ísland:

  • Þurfa að framvísa neikvæðu COVID-19 prófi á landamærum, sem er ekki eldra en 72 klst. gamalt við brottför (byrðingu) erlendis (sjá nánar í hlekk um neikvætt próf).
  • Ef neikvæðu prófi er ekki framvísað eða ef liðinn er styttri tími en 14 dagar frá seinni bólusetningu (eða 14 dagar frá bólusetningu með bóluefni Janssen) þá þarf að fara í eina PCR sýnatöku við komuna á landamærum og sæta sóttkví þar til niðurstaða liggur fyrir.

Full bólusettur og með tengsl við Ísland:

  • Þurfa að fara í COVID-19 próf á næstu tveimur dögum frá komu til landsins. Sjá nánar á covid.is og í forskráningu. Má vera PCR próf eða hraðpróf.
  • Þurfa ekki að framvísa neikvæðu COVID-19 prófi við brottför (byrðingu) erlendis.
  • Tengsl við Ísland: Íslenskur ríkisborgari, einstaklingar búsettir á Íslandi eða með atvinnu- eða dvalarleyfi (þ.m.t. umsækjendur um slík leyfi) og einstaklingar sem koma til vinnu eða náms í meira en sjö daga. Einstaklingar sem sækja um alþjóðlega vernd. Þá teljast aðstandendur framangreindra hópa vera með tengsl við Ísland.

Undanþegnir sýnatöku við komuna og að framvísa neikvæðu prófi:

  • Tengifarþegar sem fara ekki út fyrir landamærastöð (flugvöll).
  • Börn fædd 2005 og síðar.
  • Flugáhöfn í vinnuferð sem hefur dvalist utan Íslands í 48 klst eða skemur.


Ef minnsti vafi leikur á trúverðugleika vottorðs eða vottorð telst ógilt samkvæmt nánari leiðbeiningum sóttvarnalæknis (sjá skilyrði hér að neðan) er ferðamanni skylt að fara í PCR sýnatöku við komuna og síðan í sóttkví þar til niðurstöður liggja fyrir úr seinni sýnatöku 5 dögum eftir komuna.

Einstaklingur sem getur ekki eða vill ekki gangast undir sýnatöku skal sæta sóttkví í 14 daga.

Brot gegn reglugerð getur varðað sektum eða fangelsi skv. 19. gr. sóttvarnalaga nr. 19/1997 eða 175. gr. almennra hegningarlaga nr. 19/1940.

Vottorð um bólusetningu sem eru viðurkennd á landamærum Íslands:

  • Tungumál: íslenska, danska, norska, sænska, enska eða franska
      • Vottorð á öðru tungumáli má taka gilt ef þýðing stimpluð af löggildum skjalaþýðanda fylgir upprunalegu skjali á einu af tungumálunum sem krafist er.
  • Fornafn og eftirnafn (sambærilegt við ferðaskilríki)
  • Fæðingardagur (eða kennitala)
  • Heiti sjúkdóms sem bólusett var gegn (COVID-19)
  • Hvar bólusetning(ar) fór(u) fram (land eða borg)
  • Dagsetning(ar) bólusetningar
      • Skilyrði er að bólusetningu sé lokið; sjá hér að neðan um lágmarks fjölda skammta og bil á milli skammta fyrir hvert bóluefni. Nóg er dagsetning síðari skammts sé tilgreind.
      • Ef mismunandi bóluefni eru notuð fyrir fyrsta og annan skammt gildir tímabil milli skammta sem á við fyrra bóluefni sem var notað til að bólusetning teljist gild.
  • Útgefandi vottorðs (heilbrigðisstarfsmaður/stofnun)
      • Alþjóðabólusetningaskírteini WHO (gula skírteini) þarf að hafa undirskrift og stimpil.
  • Heiti bóluefnis eða bóluefna
      • Framleiðandi bóluefnis
  • Vottorð getur verið rafrænt eða á pappír
  • Viðurkennd frá öllum löndum

 

Viðurkennd bóluefni og tímabil á milli skammta:
Bóluefnin þurfa að hafa markaðsleyfi frá Lyfjastofnun Evrópu (EMA) eða vera samþykkt af Alþjóðaheilbrigðismálastofnuninni (WHO). Uppfært eftir því sem ný bóluefni bætast við. Ef mismunandi bóluefni eru notuð fyrir fyrsta og annan skammt gildir tímabil milli skammta sem við á við fyrra bóluefni sem var notað til að bólusetning teljist gild:

  1. Tozinameran-Covid-19 mRNA Vaccine (Comirnaty; BNT162b2) Pfizer/BioNTech Manufacturing GmbH, 2 skammtar, lágmark 19 dagar á milli.
  2. COVID-19 Vaccine (Vaxzevria; ChAdOx1-S) AstraZeneca AB, 2 skammtar, lágmark 4 vikur á milli.
  3. COVID-19 Vaccine (ChAdOx1-S) AstraZeneca/SK Bio, SK Bioscience Co. Ltd, 2 skammtar, lágmark 4 vikur á milli.
  4. COVID-19 Vaccine (ChAdOx1-S) AstraZeneca (Covishield) Serum Institute of India Pvt.Ltd, 2 skammtar, lágmark 4 vikur á milli.
  5. COVID-19 Vaccine (Ad26.COV2-S) Janssen-Cilag International NV (Johnson & Johnson), 1 skammtur.
  6. COVID-19 Vaccine (Spikevax; mRNA-1273), Moderna Biotech, 2 skammtar, lágmark 25 dagar á milli.
  7. SARS-CoV-2 Vaccine BIBP/Sinopharm, Bejing Institute of Biological Products Co., Ltd, 2 skammtar, lágmark 3 vikur á milli.
  8. COVID-19 Vaccine Sinovac-CoronaVac, Sinovac Life Sciences Co., Ltd, 2 skammtar, lágmark 2 vikur á milli.

Landamæraverðir meta hvort vottorð er viðurkennt og kalla til fulltrúa sóttvarnalæknis (heilbrigðisstarfsmann) ef þarf og lokaákvörðun um vottorð er á ábyrgð sóttvarnalæknis.

Athugið að vottorð viðurkennd á landamærum Íslands til undanþágu á sóttvarnaraðgerðum við komuna til landsins eru ekki endilega viðurkennd af öðrum löndum.

Frekari upplýsingar á covid.is.

 


Fyrst birt 13.01.2021
Síðast uppfært 11.10.2021

<< Til baka