Leiðbeiningar fyrir starfsemi heilsu- og líkamsræktarstöðva vegna COVID-19

Skv. reglugerð um takmörkun á samkomum, er heilsu- og líkamsræktarstöðvum  heimilt að hafa opið fyrir 50% af leyfilegum hámarksfjölda gesta skv. starfsleyfi (ef leyfilegur hámarksfjöldi er ekki skráður skal miða við þann fjölda sem fataskiptirými gerir ráð fyrir).

  • Börn fædd árið 2016 og síðar eru undanþegin nálægðartakmörkun og grímunotkun.
  • Börn fædd árið 2006 og síðar eru undanþegin grímunotkun.

Markmið leiðbeininganna er að hægja eins og unnt er á útbreiðslu COVID-19 sjúkdómsins og auðvelda smitrakningu ef smit kemur upp.

  • Allir viðskiptavinir skulu skráðir fyrirfram til að auðvelda smitrakningu.
  • Tryggja skal góða loftræstingu í salnum (með loftræstikerfi og að opna glugga).
  • Sótthreinsa skal tæki og áhöld milli notenda.
  • Á milli hópa/tíma skal lofta út og sótthreinsa búnað og snertifleti.

Þátttakendur, þjálfarar og rekstraraðilar ber að gæta persónulegra sóttvarna

  • Allir eiga að vera með hreinar hendur og spritta þær við komu á staðinn, eftir snertingu við áhöld og búnað og eftir að æfingum er lokið.
  • Í sameiginlegum rýmum skal tryggja 2 metra fjarlægð milli einstaklinga. Mælt er með notkun andlitsgríma í sameiginlegum rýmum.
  • Búningsklefar mega vera opnir en þar þarf að gæta að nálægðarmörkum og snertiflötum.

Hreinsun og sótthreinsun búnaðar

  • Tryggja þarf greiðan aðgang þátttakenda að handspritti, klútum og sótthreinsiefni til hreinsunar.
  • Milli notenda skal allur búnaður, tæki og áhöld sótthreinsaður.
  • Rekstraraðilar heilsu- og líkamsræktarstöðva bera ábyrgð á sóttvörnum.
  • Starfsmaður (sóttvarnafulltrúi) skal hafa eftirlit með að sóttvarnareglum sé fylgt.
  • Starfsmaður sjái um að þrífa og sótthreinsa snertifleti í æfingasal, salerni, vaska og aðra snertifleti í lok dags og eftir þörfum.
  • Upplýsingaskilti um smitvarnir eiga að vera sýnileg öllum.

Fyrst birt 12.01.2021
Síðast uppfært 23.12.2021

<< Til baka