Vottorð um sóttkví eða staðfesta COVID-19 sýkingu


Hægt er að fá staðfestingu/vottorð eftir að einangrun eða sóttkví lýkur.

  • Staðfesting á COVID-19 sýkingu
    • Læknisvottorð vegna einangrunar má fá hjá lækni COVID-göngudeildar Landspítala við útskrift.
    • Hægt er að nálgast staðfestingu á fyrri COVID-19 sýkingu (vegna ferðalaga) á heilsuvera.is með rafrænum skilríkjum. Ef ekki með rafræn skilríki þá er hægt að senda beiðni á mottaka@landlaeknir.is með efnislínuna: „Staðfesting á fyrri COVID-19 sýkingu“.
  • Sóttkví
    • Einstaklingar þurfa að vera skráðir í sóttkví vegna nándar við smitaðan einstakling til að hægt sé að gefa út staðfestingu/vottorð um slíkt.
    • Ekki er gefið út vottorð vegna sóttkvíar eftir ferðalög erlendis. Reglur um sóttkví eftir ferðalög gilda um alla sem koma til landsins skv. reglugerð ráðherra.
    • Ekki er gefið út vottorð vegna úrvinnslusóttkvíar á meðan beðið er eftir niðurstöðum sýnatöku þar sem um tímabundna ráðstöfun er að ræða en ekki formlega sóttkví skv. beinum fyrirmælum.
    • Þegar sóttkví skv. beinum fyrirmælum vegna nándar við tilfelli er lokið er hægt að sækja staðfestingu/vottorð um sóttkví á heilsuvera.is með rafrænum skilríkjum. Ef ekki með rafræn skilríki þá er hægt að senda beiðni á mottaka@landlaeknir.is með efnislínuna: „Staðfesting á sóttkví“.
    • Ef fullorðinn er með barni í sóttkví er hægt að nálgast vottorð barnsins á svæði þess í Heilsuveru. Ef fullorðinn sem er með barni í sóttkví þarf sitt nafn á vottorðið þá má senda beiðni á mottaka@landlaeknir.is með efnislínuna: "Staðfesting á sóttkví með barni".

Fyrst birt 06.11.2020

<< Til baka