Upplýsingar um opnunartíma heilsugæslustöðva fyrir skimun vegna COVID-19

ENGLISH VERSION: COVID-19 screening/testing


Hvar og hvenær fer sýnataka fram?

  • Þú færð strikamerki sent í tölvupósti kvöldið áður en þú átt að mæta í sýnatöku. Mættu með skilríki og strikamerkið.
  • Mæta þarf á boðuðum degi.
  • Mismunandi er fyrir hverja stöð hvort panta þarf tíma.
  • Vinsamlegast athugið mismunandi opnunartíma.
  • Athugið opnunartíma stöðvar áður en mætt er í sýnatöku þar sem hann getur breyst með litlum fyrirvara.
  • Sjá nánar um ferlið á landamærum á vef embættis landlæknis.

 

Hvaða dag á ég að mæta í sýnatöku?

Sýnataka eftir ferðalag, seinni skimun
Seinni sýnataka er 5 dögum eftir þá fyrri. Til dæmis, ef þú kemur til landsins og fyrri sýnataka er á miðvikudegi þá er seinni sýnataka á mánudegi. Dagur 1 er daginn eftir komuna. Þú færð strikamerki til að nota í seinni sýnatöku að kvöldi 4. dags (í dæminu á sunnudagskvöldi). Ef þú kemst ekki eftir 5 daga í seinni sýnatökuna þá getur þú farið eftir 6 daga (í dæmi á þriðjudegi). Virða þarf sóttkví þar til niðurstöður seinni sýnatöku liggja fyrir en sóttkví er aflétt ef seinni sýnataka er neikvæð (veira finnst ekki).

Skimun til að stytta sóttkví eftir þekkta útsetningu fyrir COVID-19 (tengsl við staðfest tilfelli)
Hægt er að stytta sóttkví eftir 7 daga með skimun hjá einkennalausum. Til dæmis, ef þú varst sett(ur) í sóttkví á mánudegi þá er skimun næsta mánudag. Dagur 1 er daginn eftir sóttkví hófst. Þú færð strikamerki til að nota í skimuninni að kvöldi 6. dags (í dæminu á sunnudagskvöldi). Ef þú kemst ekki á 7. degi í skimun þá getur þú farið degi seinna (í dæmi á þriðjudegi). Ef niðurstaða skimunar er neikvæð þá er sóttkví hætt. Næstu 7 dagana þarftu samt að gæta vel að sóttvörnum og forðast samneyti við viðkvæma einstaklinga.

Sýnataka vegna ferðalags
Sýnataka vegna krafa erlendis um PCR eða hraðgreiningarpróf til SARS-CoV-2 veiruleitar er í boði í Reykjavík og Reykjanesbæ. Þessi þjónusta er ekki til staðar um allt land og framboð getur breyst með litlum fyrirvara. Skoða þarf heimasíðu næstu heilbrigðisstofnunar m.t.t. brottfararskimunar, sjá lista með tenglum á vefsvæði stofnana hér að neðan. Fyrirspurnum um slíka sýnatöku þarf í öllum tilvikum að beina til þjónustuveitenda, embætti landlæknis ber ekki ábyrgð á framkvæmd og sinnir ekki upplýsingagjöf um þjónustuna.

 

Heilsugæslustöðvar sem annast skimun vegna sóttvarnaaðgerða hérlendis:

 

Reykjavík og höfuðborgarsvæði

Hver: Heilsugæsla höfuðborgarsvæðisins, HH
Hvenær: Sýni eru tekin alla virka daga kl. 8:30–11:45 og kl. 13:00–16:00 en um helgar og frídaga kl. 09:00-15:00. Mæta þarf á boðuðum degi vegna landamæra- og sóttkvíarskimunar. Hægt er að panta tíma í brottfararskimun á travel.covid.is
Hvar: Suðurlandsbraut 34, 108 Reykjavík, fyrstu hæð. Vinsamlegast leggið bifreið og farið inn í sýnatöku.

Annað: Vinsamlegast komið með andlitsgrímu til að nota í biðröð.
Vefsíða: www.heilsugaeslan.is

 

Keflavík

Hver: Heilbrigðisstofnun Suðurnesja, HSS Reykjanesbæ
Hvenær: Sýni eru tekin alla virka daga og um helgar frá kl. 8:30-09:00. Mæta þarf á boðuðum degi fyrir landamæra- og sóttkvíarskimun. Einkennasýnatöku þarf að panta og er frá kl. 9:15, þá er ekið í gegnum húsið. 
Hvar: Fitjabraut 3, 260 Reykjanesbæ. Vinsamlegast leggið bifreið og farið inn í sýnatöku.
Annað: Vinsamlegast komið með andlitsgrímu til að nota í biðröð.
Vefsíða: www.hss.is

 

Selfoss

Hver: Heilbrigðisstofnun Suðurlands, HSU Selfossi.
Hvenær: Sýni eru tekin alla virka daga kl. 13:00-13:30. Það er lokað um helgar og frídaga. Mæta þarf á boðuðum degi fyrir landamæra- og sóttkvíarskimun. Einkennasýnatöku þarf að panta á heilsuvera.is eða símleiðis. Frá 12. júlí er ekki boðið uppá sýnatökur vegna brottfararskimunar, leita þarf eftir slíku í Reykjavík eða Reykjanesbæ.
Hvar: við Árveg, Selfossi, í bílakjallara undir Krónunni. Sýni tekið í bílnum. Aðkoma er um vistgötu (Selfossveg) aftan við Hótel Selfoss frá Kirkjuvegi. Sjá kort.
Ef þú kemur gangandi ferð þú í röð við inngang í bílakjallara með andlitsgrímu á þér.
Annað: Vinsamlegast komið með andlitsgrímu til að nota í biðröð.
Vefsíða: www.hsu.is

 

Vestmannaeyjar

Hver: Heilbrigðisstofnun Suðurlands, HSU Vestmannaeyjum, við Sólhlíð.
Hvenær: Sýni eru tekin alla virka daga kl. 13:00–13:15. Það er lokað um helgar og frídaga. Mæta þarf á boðuðum degi og það er ekki hægt að panta tíma. Frá 12. júlí er ekki boðið uppá sýnatökur vegna brottfararskimunar, leita þarf eftir slíku í Reykjavík eða Reykjanesbæ.
Hvar: Sólhlíð 10, 900 Vestmannaeyjum, mæting við inngang á 1. hæð, aðkoma frá Helgafellsbraut.
Annað: Vinsamlegast komið með andlitsgrímu til að nota í biðröð.
Vefsíða: www.hsu.is

 

Höfn í Hornafirði

Hver: Heilbrigðisstofnun Suðurlands, HSU Höfn í Hornafirði.
Hvenær: Sýni eru tekin alla virka daga kl. 8:30-9:00. Það er lokað um helgar og frídaga. Mæta þarf á boðuðum degi og það er ekki hægt að panta tíma. Frá 12. júlí er ekki boðið uppá sýnatökur vegna brottfararskimunar, leita þarf eftir slíku í Reykjavík eða Reykjanesbæ.
Hvar: Heilsugæsla Víkurbraut 31, 780 Höfn, rauða hurðin vinstra megin við aðalinnganginn.
Annað: Vinsamlegast komið með andlitsgrímu til að nota í biðröð.
Vefsíða: www.hsu.is

 

Egilsstaðir

Hver: Heilbrigðisstofnun Austurlands, HSA
Hvenær: Sýni eru tekin alla virka daga og sunnudaga kl. 11:30. Lokað á laugardögum og öðrum frídögum. Mæta þarf á boðuðum degi og það er ekki hægt að panta tíma. 
Hvar: Blómvangur 31, 700 Egilsstöðum, Við hlið Bónus á Egilsstöðum.
Annað: Vinsamlegast komið með andlitsgrímu til að nota í biðröð.
Vefsíða: www.hsa.is 

 

Húsavík

Hver: Heilbrigðisstofnun Norðurlands, HSN Húsavík. ATH! Aðeins einkennasýnatökur.
Hvenær: Einkennasýnatöku þarf að panta á heilsuvera.is eða símleiðis í síma 464-0500.
Hvar: Auðbrekku 4, 640 Húsavík
Annað: Vinsamlegast komið með andlitsgrímu til að nota í biðröð.
Vefsíða: www.hsn.is

 

Akureyri

Hver: Heilbrigðisstofnun Norðurlands, HSN Akureyri
Hvenær: Sýni eru tekin alla daga kl. 9:00-11:00. Mæta þarf á boðuðum degi og það er ekki hægt að panta tíma.
Hvar: Strandgötu 31, 600 Akureyri.
Annað: Vinsamlegast komið með andlitsgrímu til að nota í biðröð.
Vefsíða: www.hsn.is

 

Sauðárkrókur

Hver: Heilbrigðisstofnun Norðurlands, HSN Sauðárkróki, ATH! Aðeins einkennasýnatökur.
Hvenær: Sýni eru tekin alla virka daga kl. 10:30. Lokað um helgar og frídaga. 
Einkennasýnatöku þarf að panta á heilsuvera.is eða símleiðis, 432-4200.
Hvar: Sauðárhæðum, 550 Sauðárkróki, merktur inngangur 2 – Sóttvarnamóttaka (vestan við bygginguna, stendur nær Hásæti).
Annað: Vinsamlegast komið með andlitsgrímu til að nota í biðröð.
Vefsíða: www.hsn.is

 

Ísafjörður

Hvar: Heilbrigðisstofnun Vestfjarða, HVEST Ísafirði
Hvenær: Sýni hjá fólki með einkenni eða seinni sýnataka vegna komuskimunar eftir ferðalag eru tekin alla virka daga kl. 13:00. Panta þarf tíma í síma 450-4500 virka daga kl. 8:00–16:00. Um helgar og á frídögum er einungis sýnataka hjá fólki með einkenni skv. mati vaktlæknis eða heilbrigðisstarfsmanns, hringdu í 1700 til að fá samband við heilbrigðisstarfsmann utan dagvinnu. Það tekur jafnan rúmlega sólarhring að fá niðurstöðu úr sýnatöku. Frá 16. júlí 2021 er brottfararskimun vegna ferðalaga til útlanda ekki lengur í boði á Ísafirði.
Hvar: HVEST, Torfnesi, 400 Ísafirði, í hvítum gámi sem stendur fyrir utan heilbrigðisstofnunina. Annað: Vinsamlegast komið með grímu til að nota í biðröð ef þú kemur gangandi eða hjólandi.

Vefsíða: www.hvest.is

 

Patreksfjörður

Hvar: Heilbrigðisstofnun Vestfjarða, HVEST Patreksfirði
Hvenær: Sýni hjá fólki með einkenni eða seinni sýnataka vegna komuskimunar eftir ferðalag eru tekin alla virka daga kl. 10:00 nema miðvikudaga kl. 9:00. Panta þarf tíma í síma 450-2000 virka daga kl. 8:00–16:00. Sýnataka um helgar og á frídögum fer í gegnum vakthafandi lækni með því að hringja í síma 1700 og er eingöngu fyrir fólk með einkenni. Frá 16. júlí 2021 er brottfararskimun vegna ferðalaga til útlanda ekki lengur í boði á Patreksfirði. 
Hvar: HVEST, Stekkum 1, 450 Patreksfirði, úti fyrir framan sjúkrabílainngang í kjallara.
Annað: Vinsamlegast komið með grímu til að nota í biðröð ef þú kemur gangandi eða hjólandi.
Vefsíða: www.hvest.is

 

Borgarnes

Hver: Heilbrigðisstofnun Vesturlands, HVE Borgarnesi
Hvenær: Sýni eru tekin alla virka daga kl. 11:30–12:00. Lokað um helgar og frídaga. Mæta þarf á boðuðum degi og það er ekki hægt að panta tíma. Brottfararskimun vegna ferðalaga til útlanda ekki í boði.
Hvar: Borgarbraut 65, 310 Borgarnesi, baka til við heilsugæsluna í bílskúr.Annað: Vinsamlegast komið með andlitsgrímu til að nota í biðröð.Vefsíða: www.hve.is

 

Akranes

Hver: Heilbrigðisstofnun Vesturlands, HVE Akranesi
Hvenær: Sýni eru tekin alla daga vikunnar frá kl. 13:00–13:15. Mæta þarf á boðuðum degi og það er ekki hægt að panta tíma. Brottfararskimun vegna ferðalaga til útlanda er ekki lengur í boði á Akranesi.
Hvar: Þjóðbraut 11, 300 Akranesi, Sjúkrabílageymsla Rauða krossins.
Annað: Vinsamlegast komið með andlitsgrímu til að nota í biðröð.
Vefsíða: www.hve.is


Fyrst birt 11.08.2020
Síðast uppfært 26.07.2021

<< Til baka