Forvarnadagurinn í framhaldsskólum

Sjá stærri mynd

Forvarnardagurinn er haldinn að frumkvæði forseta Íslands og er í samvinnu við ýmsa aðila sem koma, með einum eða öðrum hætti, að málum unglinga. Dagskrá fer fram meðal 1. bekkinga í framhaldsskóla víðs vegar um landið og nemendur eru beðnir um að taka virkan þátt í umræðum um forvarnir.

Dagskráin hefst með glærukynningu á stöðu reykinga-, rafrettu-, áfengis- og vímuefna notkunar á landsvísu, því næst er nemendum skipt í vinnuhópa þar sem þeir eru beðnir um að ræða þessi málefni út frá spurningum sem glærukynningin endar á. Hópstjórar eru skipaðir til að stýra umræðunum, taka niður punkta og skila niðurstöðunum á uppgefið netfang sem er í glærukynningunni.

Því næst er sýnt myndband um stuttmyndakeppni sem 1. bekkingum í framhaldsskóla er boðið að taka þátt í og geta beðið um aðstoð innan fjölskyldu sinnar til að gera. Dómnefnd velur um skemmtilegasta, besta og frumlegasta stuttmyndbandið og vegleg verðlaun eru í boði.

Um leið og við þökkum kærlega fyrir þátttökuna hvetjum við nemendur endilega til að nýta þetta tækifæri til að láta ljós sitt skína og segja skoðun sína.

Vonandi verður dagurinn öllum ánægjulegur og áhugaverður!

Kynningarmyndband fyrir stuttmyndakeppni

 

Skjöl sem tengjast forvarnardeginum í framhaldsskólum:

Leiðbeiningar til skólameistara og tengiliða í framhaldsskólum.

Kynning fyrir framhaldsskóla.

Inngangur að glærukynningu.

Stuttmyndakeppnin - leiðbeiningar.

Bréf til sveitarfélaga.

 


Fyrst birt 16.07.2019

<< Til baka