Lífsýnasöfn
Samkvæmt lögum um lífsýnasöfn og söfn heilbrigðisupplýsinga, nr. 110/2000 er stofnun og starfræksla lífsýnasafns háð leyfi heilbrigðisráðherra. Áður en slíkt leyfi er veitt þarf að leita umsagnar landlæknis, vísindasiðanefndar og Persónuverndar.
Í 14. grein reglugerðar um vörslu og nýtingu lífsýna í lífsýnasöfnum, nr. 1146/2010, er þess jafnframt getið að landlæknir skuli halda skrá yfir þau lífsýnasöfn sem fengið hafa leyfi heilbrigðisráðherra til starfrækslu og að sú skrá skuli vera aðgengileg almenningi á vef Embættis landlæknis.
Lífsýnasöfn sem fengið hafa starfsleyfi heilbrigðisráðherra:
| Lífsýnasafn LLSV - Lífsýnasafn Landspítala á sýkla- og veirufræðideild (PDF) |
| Lífsýnasafn Frumurannsóknarstofu Krabbameinsfélags Íslands (PDF) |
| Lífsýnasafn Íslenskrar erfðagreiningar (PDF) |
| Lífsýnasafn Urðar, Verðandi, Skuldar hefur verið sameinað Lífsýnasafni Íslenskrar erfðagreiningar. |
| Lífsýnasafn Vefjarannsóknarstofunnar (LVÁ) (PDF) |
Vakin er athygli á að fólk á rétt á að fara fram á að lífsýni úr því, sem hafa verið tekin vegna þjónusturannsókna, séu ekki nýtt til vísindarannsókna síðar eða varðveitt í lifsýnasafni i því skyni. Sjá einnig upplýsingasíðuna Lífsýni.
Hægt er að leggja bann við því með því að fylla út til þess gert eyðublað sem fæst á þeim stöðum sem taka á móti sýnum til þjónusturannsókna svo og hér á vefsetrinu, sjá nánar í tilkynningu frá landlækni.
Fyrst birt 30.03.2017
Síðast uppfært 11.09.2017