13.10.22

Mælt með ferðamannabólusetningum við barnaveiki og mænusótt

Sóttvarnalæknir mælir með bólusetningu gegn barnaveiki og mænusótt fyrir öll ferðalög erlendis, fyrir 24 ára og eldri sem ekki hafa fengið slíkar bólusetningar á sl. 10 árum. Foreldrar barna sem munu ferðast á næstunni eru hvattir til að staðfesta að börn hafi fengið alla skammta sem mælt er með m.v. aldur. Hægt er að sjá bólusetningar sem gerðar hafa verið hér á landi frá 2004 í Heilsuveru.

Tilefnið er aukinn innflutningur barnaveiki til Evrópu það sem af er ári og dreifing mænusóttarveiru í Bretlandi, Bandaríkjunum og víðar, sjá nánar hér.

Bólusetningar eru gerðar hjá heilsugæslunni og aðilum sem sinna ferðamannaheilsuvernd. Bólusetningar utan almennra bólusetninga barna og óbólusettra fullorðinna eru á kostnað einstaklinga.

Lesa nánar: Ráðleggingar um bólusetningar við barnaveiki og mænusótt október 2022

Sóttvarnalæknir

<< Til baka