07.03.22

Heilsueflandi forysta og vellíðan í starfi

Hér er slóðin á morgunfundinn sem hefst kl. 8.30 miðvikudaginn 16. mars: http://tiny.cc/morgunfundur

Embætti landlæknis, VIRK og Vinnueftirlit ríkisins bjóða upp á morgunfund um heilsueflandi vinnustaði í streymi miðvikudaginn 16. mars kl. 8.30-10.00.

Heilsueflandi forysta og vellíðan í starfi er yfirskrift fundarins og fyrirlesari er Dr. Sigrún Gunnarsdóttir, hjúkrunarfræðingur og prófessor í Viðskiptafræðideild Háskóla Íslands og formaður Þekkingarseturs um þjónandi forystu.

Streymið af fundinum verður aðgengilegt á vefsíðum stofnanna - sjá viðburðinn á Facebook.

Morgunfundurinn er sá níundi í fundaröðinni  um heilsueflingu á vinnustöðum og er hluti af samstarfi embættis landlæknis, VIRK og Vinnueftirlitsins um heilsueflingu og forvarnir á vinnustöðum.

Markmið samstarfsins er að stuðla að betri heilsu og vellíðan vinnandi fólks á vinnustöðum, fyrirbyggja kulnun og minnka brottfall af vinnumarkaði.

<< Til baka