21.06.19

Íslendingar sem taldir voru vera sýktir af Chikungunya veiru reynast að öllum líkindum ekki vera með sýkinguna

Að undanförnu hafa birst fréttir af því að fjórir Íslendingar sem dvöldust á Alicante á Spáni nýverið hafi sýkst þar af Chikungunya veiru. Þrír einstaklinganna eru búsettir á Íslandi og einn í Noregi. Fyrstu rannsóknarniðurstöður bentu til Chikungunyaveirusýkingar en við frekari rannsóknir hafa staðfestingarpróf hér á landi og erlendis ekki staðfest sýkinguna.

Á næstu dögum er fyrirhugað að gera frekari staðfestingapróf á Íslendingunum hér á landi sem munu skera endanlega úr um það hvort um ofangreinda sýkingu var að ræða eða ekki.

Ofangreindir einstaklingar hafa verið upplýstir um þessa niðurstöðu sem og samstarfsaðilar á Spáni.

Allra leiða verður leitað í framtíðinni til að koma í veg fyrir að svona atvik endurtaki sig.

Sóttvarnalæknir

<< Til baka