30.05.18

Breyttar verklagsreglur um læknisrannsóknir á fólki sem flyst til Íslands

Sóttvarnalæknir hefur uppfært verklagsreglur um læknisrannsóknir á einstaklingum sem sækja um dvalarleyfi á Íslandi. Síðustu verklagsreglur voru birtar í janúar 2017 en fyrstu verklagsreglurnar voru gefnar út árið 2012.

Í hinum nýju verklagsreglum er mælt með læknisrannsókn hjá einstaklingum sem munu dvelja í landinu í meira en 8 vikur eftir komu nema ef viðkomandi er með einkenni sem benda til smitsjúkdóms. Að öðru leyti eru verklagsreglurnar óbreyttar.


Sóttvarnalæknir

<< Til baka