19.01.18

Farsóttafréttir eru komnar út

  

 

Janúarútgáfa Farsóttafrétta, fréttabréfs sóttvarnalæknis, er komið út á vef Embættis landlæknis.

Í fréttabréfinu kemur m.a. fram að kynsjúkdómar á árinu 2017 færðust enn í aukana einkum sárasótt og lekandi. Óvenju margir greindust með lifrarbólgu A á árinu 2017 en þau tilfelli tengdust flest lifrarbólgu A fararaldri meðal samkynhneigðra karla í Evrópu. Einnig er sagt frá stöku mislingatilfellum hér á landi sem endurspegla viðvarandi vandamál sem tengist mislingum erlendis.

Fjallað er um hópsýkingar af völdum magakveisu og listeríu og áhrif innflutnings á ferskum matvælum á heilsu manna.

Vakin er athygli á viðbragðáætlunum sóttvarna fyrir alþjóðaflugvelli, heilbrigðisstofnanir og vegna hugsanlegs eldgoss. Þessar áætlanir eru unnar í samvinnu við aðrar stofnanir sem málið varða.

Fjallað er um fræðslufundi sóttvarnalæknis á árinu og aðgerðir til að stuðla að skynsamlegri notkun sýklalyfja.

Lesa nánar: Farsóttafréttir. 11. árgangur. 1. tölublað. Janúar 2018 (PDF)

 Sóttvarnalæknir

 

<< Til baka