29.12.17

Gjaldfrjálsar tannlækningar fyrir öll börn með skráðan heimilistannlækni

Sjá stærri mynd

Kostnaður vegna tannlækninga barna, sem skráð eru með heimilistannlækni verður frá 1. janúar 2018 greiddur að fullu af Sjúkratryggingum Íslands (SÍ), að frátöldu 2500 kr. komugjaldi sem greitt er einu sinni á 12 mánaða fresti.

Sérstök athygli er vakin á því að börn yngri en þriggja ára eiga nú einnig rétt á gjaldfrjálsum tannlækningum. Foreldrar/forráðamenn eru hvattir til að panta tíma í fyrstu tannskoðun þegar barnið er tveggja ára.

Foreldrar/forráðamenn bera ábyrgð á tímapöntun hjá tannlækni og skráningunni í gegnum vefsíðu SÍ Réttindagátt – Mínar síður. Aðgangur að gáttinni er tryggður með Íslykli eða rafrænum skilríkjum. Tannlæknar geta einnig klárað skráninguna þegar mætt er í bókaðan tíma.

Lista með nöfnum starfandi heimilistannlækna má nálgast á vef Sjúkratrygginga Íslands.

Gjaldfrjálsar tannlækningar ná yfir eftirlit, forvarnir, flúormeðferð, skorufyllur, tannfyllingar, rótfyllingar og annað sem telst til nauðsynlegra tannlækninga.

Sjá nánar á vef Sjúkratrygginga Íslands – www.sjukra.is

 Hólmfríður Guðmundsdóttir 
tannlæknir

<< Til baka