03.04.17

Nemendur í tóbakslausum bekkjum fá vatnsbrúsa að gjöf

Sjá stærri mynd

Allir nemendur í 7., 8. og 9. bekk grunnskóla sem taka þátt í verkefninu Tóbakslaus bekkur fá sendan vatnsbrúsa að gjöf frá Embætti landlæknis.

Í vetur taka 200 bekkir víðs vegar um landið þátt í verkefninu þannig að gjöfin var send til nær 4000 grunnskólanemenda. Gjöfin á að hafa borist öllum og kemur vonandi að góðum notum.

Nýlega voru einnig dregnir út þrír bekkir sem fá sendan aukavinning og er það annar útdráttur vinninga á skólaárinu. Að þessu sinni fá nemendur vinningsbekkjanna og kennarar þeirra húfur frá 66°Norður.

 

 

 

 

Eftirtaldir bekkir duttu í lukkupottinn:

  • 8.VBÞ Áslandsskóla
  • 8. GÁ og SHÁ Nesskóla
  • 7.bekkur Patreksskóla

Þátttakendur eru minntir á lokaskil á verkefnum, en þeim á að skila í síðasta lagi fimmtudaginn 27. apríl næstkomandi.

Alls tíu bekkir sem senda inn lokaverkefni vinna til verðlauna. Þeir bekkir sem velja að senda inn lokaverkefni geta unnið fé til að ráðstafa eins og bekkurinn sjálfur kýs að gera. Upphæðin nemur 5.000 krónum fyrir hvern skráðan nemanda í bekknum.

Eingöngu er tekið við lokaverkefnum á tölvutæku formi. Æskilegt er að myndbrot séu ekki lengri en 10 mínútur. Verkefnin geta verið með ýmsu móti, t.d. veggspjöld, auglýsingar, stuttmyndir eða fræðsluefni um tóbaksvarnir.

Áréttað er að það er ekki skilyrði fyrir þátttöku í verkefninu Tóbakslaus bekkur að skila inn lokaverkefni. Eftir miðjan maí verða úrslitin kynnt.

Nánari upplýsingar: Tóbakslaus bekkur

Hægt er að skoða lokaverkefni verðlaunahafa síðasta skólaárs í frétt um úrslitin 17. maí 2016.

Viðar Jensson
verkefnisstjóri

 

<< Til baka