05.01.17

Tilmæli landlæknis um skimun fyrir krabbameini í ristli og endaþarmi

Embætti landlæknis gaf síðastliðið haust út endurnýjuð tilmæli um skimun fyrir krabbameini í ristli og endaþarmi og kynnti þau heilbrigðisráðherra. Var það liður í áralangri vinnu að því að hefja skimun fyrir krabbameini í ristli og endaþarmi í skilgreindum aldurshópi.

Embætti landlæknis hefur verið ráðgefandi um slíka skimun í samráði við sérfróða aðila og er ferill málsins rakinn í hjálögðu skjali, en þar er einnig fjallað um umræðu um málið í Læknablaðinu.

Að undanförnu hafa Velferðarráðuneytið og Krabbameinsfélag Íslands unnið að því að hrinda skimunarátakinu í framkvæmd í samræmi við tilmæli landlæknis.

Tilmæli landlæknis um skimun fyrir krabbameini í ristli og endaþarmi (PDF)

 

Landlæknir

<< Til baka