Heilsueflandi samfélag í Hafnarfirði

Hafnarfjarðarbær hefur gerst aðili að verkefninu Heilsueflandi samfélag. Birgir Jakobsson landlæknir og Haraldur L. Haraldsson bæjarstjóri undirrituðu samstarfssamning þess efnis í gær 4. mars 2015.

Heilsueflandi samfélag miðar að því að þróa samfélagslegan ramma utan um markvissa og heildræna heilsueflingu.

Verkefninu er ætlað að ná til allra aldurshópa í samfélaginu, m.a. í gegnum heilsueflandi leik-, grunn- og framhaldsskóla, vinnustaði og starf eldri borgara og stuðla þannig að góðri heilsu, vellíðan og auknum lífsgæðum.

Þeir fjórir meginþættir sem bærinn mun leggja áherslu á eru:

• hreyfing
• næring
• líðan
• lífsgæði

Samkvæmt Haraldi bæjarstjóra verður fyrst verkefna að fá hafnfirska skóla sem ekki eru skráðir í verkefnið til að gerast virkir þátttakendur í verkefnum Heilsueflandi skóla.

Ítarefni:

Lesa nánar:  Heilsueflandi grunnskóli og Heilsueflandi framhaldsskóli

Dóra Guðrún Guðmundsdóttir
sviðsstjóri áhrifaþátta heilbrigðis

Héðinn Svarfdal Björnsson
verkefnisstjóri Heilsueflandi framhaldsskóla