25.01.13

Vatn er besti svaladrykkurinn

Sjá stærri mynd

Áhersla Tannverndarvikunnar 2013 er á mikilvægi og hollustu VATNS. Með þessari áherslu er vakin athygli á kostum þess að velja vatn fram yfir aðra óhollari drykki og skapa jafnframt umræðu um mikilvægi þess að fólk hafi greiðan og góðan aðgang að hreinu og góðu drykkjarvatni.

Nánari upplýsingar um vatn og tannheilsu má finna á síðunni Tannvernd á sérstöku svæði helguðu tannverndarvikunni 2013. 


Hugmyndasamkeppni um vatnsskilti
Að þessu tilefni geta leik-, grunn- og framhaldsskólar tekið þátt í hugmyndakeppni um mynd sem tengist vatni, en ein verðlaunamyndanna mun verða nýtt í gerð nýs vatnsskiltis sem embættið hyggst gefa út næstkomandi haust.

Skilafrestur er til 22. mars (sem er alþjóðlegur dagur vatnsins) og í kjölfarið munu sigurvegarar á öllum þremur skólastigum fá veglega vatnsvél í verðlaun, auk þess sem viðkomandi nemendur/bekkur og skóli mun fá viðurkenningarskjal frá Embætti landlæknis.

 

  1. Skiltið sem Embætti landlæknis mun láta framleiða út frá verðlaunatillögu verður 20cm x 20cm að stærð.
     
  2. Skólar geta sent inn eins margar tillögur og hugmyndir og þeir vilja.
     
  3. Dómnefnd á vegum embættisins (tannlæknir, tannfræðingur, verkefnisstjórar og grafískur hönnuður) mun velja sigurvegara úr innsendum tillögum.

Tillögur og hugmyndir skal senda til:

Hugmyndasamkeppni – Vatnsskilti
Embætti landlæknis
Barónsstíg 47, 101 Reykjavík
 

Jóhanna Laufey  Ólafsdóttir
Héðinn Svarfdal Björnsson
verkefnisstjórar  

<< Til baka