Tóbaksnotkun - tölur

Sjá stærri mynd

Á hverju ári er framkvæmd könnun á vegum Embættis landlæknis á reykingum og tóbaksnotkun meðal fullorðinna Íslendinga. Gallup hefur séð um framkvæmd þessara kannana frá árinu 2004.

Kannanir á reykingum og tóbaksnotkun landsmanna voru framkvæmdar með samræmdum hætti á árunum 1989-2015. Þá voru að jafnaði framkvæmdar þrjár til fjórar kannanir á ári og niðurstöður úr þeim dregnar saman í eina ársskýrslu. Kannanirnar voru framan af gerðar í síma en frá árinu 2011 voru samhliða gerðar tilraunir með netkannanir.

Frá árinu 2016 hefur umfang reykinga og tóbaksnotkunar verið kannað samhliða könnun á öðrum áhrifaþáttum heilbrigðis. Netkönnun er lögð fyrir úrtak úr viðhorfahópi Gallup allt árið um kring og er að minnsta kosti 4.000 svörum safnað árlega. Viðhorfahópurinn samanstendur af um 24.000 einstaklingum sem valdir hafa verið með tilviljunaraðferð úr þjóðskrá.

Síðast uppfært 26.01.2021