Tóbakslaus bekkur lokaverkefni 2015-2016. Úrslit

17.05.16
Tóbakslaus bekkur 2015–2016. Veggspjald

Samkeppninni Tóbakslaus bekkur meðal tóbakslausra 7., 8. og 9. bekkja í skólum landsins skólaárið 2015–2016 er lokið og liggja úrslit fyrir.

Í ár tóku 250 bekkir víðsvegar um landið þátt í keppninni. Á skólaárinu þurftu bekkirnir að staðfesta fimm sinnum að þeir væru tóbakslausir og voru þá með í útdrætti um vinninga. Vinningarnir voru húfur frá 66° Norður en auk þess fengu allir þátttakendur spilastokk að gjöf.

Úrslit
Tíu bekkir frá tíu skólum sem sendu inn lokaverkefni unnu til verðlauna. Verðlaunaupphæðin nemur 5.000 krónum fyrir hvern skráðan nemanda í bekknum sem þeim er frjálst að ráðstafa að vild.

Eftirtaldir bekkir hljóta verðlaun:

Breiðagerðisskóli, 7. SV
Grundaskoli, 7. UÁ
Glerárskóli, 8. SV
Hólabrekkuskóli, 73
Húnavallaskóli, 7. og 8. bekkir
Hrafnagilsskóli, 7. bekkur
Langholtsskóli, 7. GP
Víðistaðaskóli, 7. SS
Vogaskóli, 7. bekkur
Vættaskóli, 9. LM

Til að eiga möguleika á fyrstu verðlaunum þurftu nemendur bekkjanna að senda inn áhugavert efni tengt tóbaksvörnum. Nánari útfærsla var ekki skilgreind til að þrengja ekki hugmyndir að verkefnum en beðið var um að þeim væri skilað á rafrænu formi.

Við gerð margra verkefna var leitað út fyrir skólastarfið og þannig stuðlað að samvinnu, miðlun og öflun þekkingar um skaðsemi tóbaksnotkunar.

Mörg áhugaverð verkefni bárust og má sem dæmi nefna leiknar stuttmyndir, fræðslufyrirlestra, frumsamin lög og veggspjöld.

Embætti landlæknis óskar vinningshöfum innilega til hamingju og þakkar öllum kennurum og nemendum fyrir þeirra framlag og ánægjulegt samstarf.

Viðar Jensson
verkefnisstjóri

 

 


<< Til baka


Quick Navigation