Tíu mánaða skoðun

Markmið: Greina frávik í heilsu og þroska barns við 10 mánaða aldur og veita foreldrum fræðslu og stuðning.

Sjá stærri mynd

 

Fagaðili: Hjúkrunarfræðingur og læknir. Mælt með að barnalæknir komi að skoðuninni sé hann til staðar.

 

Verkþættir:

A. Upplýsingasöfnun, fræðsla og ráðgjöf

B. Þroskamat

C. Líkamsskoðun

 

A. Upplýsingasöfnun, fræðsla og ráðgjöf

Meta þarf út frá aðstæðum hverju sinni hvaða stuðning og fræðslu foreldrar þurfa á að halda.

Áhersla er lögð á:

  • Næringu
  • Lýsi eða D-vítamíndropa
  • Þroska og örvun barns
  • Svefn barns
  • Tannhirðu barns
  • Slysavarnir

 

B. Þroskamat

Gert er mat á þroska og skimað fyrir þroskafrávikum. Almennt má framkvæma þroskamatið með þremur mismunandi aðferðum: beinni athugun, óbeinni athugun og/eða upplýsingum foreldra.

Athugið hvort athugasemd hefur verið gerð áður um þroska barns sem þarf að fylgja eftir. Endurtakið atriði úr fyrra þroskamati sem voru óeðlileg og metið útkomu í samhengi við 10 mánaða þroskamat.

Hægt er að leggja PEDS fyrir foreldra, ef þeir hafa áhyggjur af barni sínu. Veitið ráðleggingar og bendið á úrræði m.t.t. niðurstaðna.

Þroskamat 10 mánaða

 

 

 

 

 

 

 

 

C. Líkamsskoðun

Mæla þyngd, lengd og höfuðummál.

Almenn skoðun – sjá leiðbeiningar um líkamsskoðun barna.

Hyper- eða hypotoni?

Athugið að munur á tonus hægra og vinstra megin er alltaf óeðlilegur.

Athugið hvort skán er á framtönnum í efri gómi. Eru tennur burstaðar með flúortannkremi tvisvar sinnum á dag? Afhendið foreldrum tannbursta ef tennur barns eru illa hirtar og skán situr á framtönnum efri góms. Veitið fræðslu um tannhirðu.

 

<< Til baka