Heimavitjanir

Markmið: Veita foreldrum stuðning og fræðslu eftir fæðingu barns í þeirra eigin umhverfi.

Sjá stærri mynd

Hjúkrunarfræðingur fer í fyrstu heimavitjun fljótlega eftir heimkomu móður og barns eða þegar heimaþjónustu ljósmóður lýkur. Fyrsta vitjun er æskileg 7–14 dögum eftir fæðingu.

Heimsókn er ávallt ákveðin í samráði við foreldra. Að jafnaði er miðað við tvær til þrjár heimavitjanir fram að sex vikna skoðun. Fyrsta heimavitjun tekur u.þ.b. klukkustund en næstu heimavitjanir taka yfirleitt skemmri tíma. Tímalengd og fjöldi vitjana fer þó eftir þörfum fjölskyldunnar hverju sinni. Hjúkrunarfræðingur metur út frá aðstæðum og sögu fjölskyldunnar hvaða stuðning og fræðslu foreldrar þurfa í heimavitjunum.

 

Verkþættir:

A. Upplýsingasöfnun, fræðsla og ráðgjöf

B. Þroskamat

C. Líkamsskoðun

 

A. Upplýsingasöfnun, fræðsla og ráðgjöf

Í fyrstu heimavitjun veitir hjúkrunarfræðingur upplýsingar um ung- og smábarnavernd, starfsemi heilsugæslunnar og hvert foreldrar geta leitað ef barn veikist. Vitjanir eru ákveðnar í samráði við foreldra og lögð áhersla á gott aðgengi að heilsugæslustöð. Upplýsingar fengnar um heyrnarmælingu nýbura. Mikilvægt er að gefa foreldrum tækifæri til að spyrja spurninga og meta hvort fjölskyldan þurfi sérstakan stuðning.

Áhersla skal lögð á:

  • Stuðning við brjóstagjöf/næringu
  • D-vítamíndropa (10 μg/dag) frá 1–2 vikna aldri
  • Tengslamyndun og lesa í tjáningu barns
  • Þroska og örvun barns
  • Svefn- og vökustig barns, grát barna á mismunandi aldri
  • Umönnun og hreinlæti
  • Slysavarnir
  • Grindarbotnsæfingar, kynlíf og getnaðarvarnir
  • Reykingar, áfengi, vímuefni þar sem við á

Fræðsla og stuðningur í heimavitjun

Heimavitjunarblað í ung- og smábarnavernd

 

Hægt er að leggja Edinborgarkvarðann (EPDS) fyrir ef hjúkrunarfræðingur verður þess áskynja að konunni líði illa andlega.

Stigagjöf EPDS-skimunar

 Vinnureglur vegna EPDS-skimunar

 

 

 

 

 

 

 

 

B. Þroskamat

Almennt má framkvæma þroskamatið með þremur mismunandi aðferðum: beinni athugun, óbeinni athugun og/eða upplýsingum foreldra.

Þroskamat 2-4 vikna

 

 

 

 

 

 

 

 

C. Líkamsskoðun

Hjúkrunarfræðingur útskýrir fyrir foreldrum tilgang skoðunar. Barnið er skoðað nakið á hörðu undirlagi t.d. skiptiborði eða stífri dýnu. 

Almenn skoðun ungbarns
í heimavitjun

Meðfædd viðbrögð

 

 

 

 

 

 

 

<< Til baka