Kvenhormónameðferð við tíðahvörf

Breytingaskeið er tímabil í lífi hverrar konu, nokkur ár fyrir og nokkur ár eftir tíðahvörf, þegar starfsemi eggjastokka minnkar og loks hættir. Í hartnær þrjátíu ár hafa læknar meðhöndlað óþægindi og vanlíðan sem tengjast tíðahvörfum með hormónagjöf, í fyrstu með östrógeni en síðar hefur samsett meðferð östrógens og prógestagens orðið algengari vegna aukinnar hættu á egbolskrabbameini sem fylgdi östrógenmeðferð.

Því hefur verið haldið fram að samsett hormónameðferð (SHM) auki lífsgæði hjá konum við tíðahvörf, en rannsóknir sýna að það er ekki reglan og reyndar virðist staðhæfingin um aukin lífsgæði einkum eiga við hjá konum sem eru með óbærileg svitakóf.

Í október 2002 var stofnað til vinnuhóps á vegum Landlæknisembættisins um klínískar leiðbeiningar fyrir hormónameðferð kvenna um og eftir tíðahvörf. Brýnt þótti að endurskoða lyfjavalsleiðbeiningar embættisins í ljósi nýrra rannsókna sem birtar voru um sumarið er tengdust þessu sviði.

 

Útgefið 1. apríl 2004

 

Stýrihópur um klínískar leiðbeiningar leggur til að vitnað sé
til þeirra á eftirfarandi hátt:


Jónsdóttir LS, Einarsdóttir R, Guðmundsson JA, Gunnlaugsson B, Hansdóttir H, Helgason S, Ingvarsdóttir Ó, Jóhannesson A, Olgeirsson G, Ólafsdóttir H, Sigurðsson H. Kvenhormónameðferð um og eftir tíðahvörf. Klínískar leiðbeiningar. Landlæknisembættið, 2004. (Skoðað dd. mán ár). Sótt á: xxx

 

Kvenhormónameðferð um og eftir tíðahvörf. Klínískar leiðbeiningar (pdf) 

<< Til baka