Dreifibréf Nr. 2/2011. Ungbarnabólusentning gegn pneumókokkum

Tilkynning frá sóttvarnalækni. 

Almenn ungbarnabólusetning gegn pneumókokkum hefst hér á landi 11. apríl á þessu ári. Bólusett verður með bóluefninu Synflorix® sem framleitt er af GSK þar til niðurstaða útboðs liggur fyrir síðar á þessu ári.

Börn sem fæðast á árinu 2011 og síðar verða bólusett 3, 5 og 12 mánaða gömul samhliða öðrum ungbarnabólusetningum. Börn fædd fyrir árið 2011 falla ekki undir almenna bólusetningu gegn pneumókokkum, en foreldrar þeirra eiga þó kost á að láta bólusetja börn sín en þurfa sjálfir að standa straum af kostnaði bóluefnisins. Bóluefnið má gefa samtímis öllum öðrum bóluefnum en ekki í sama útlim.

Heilsugæslustöðvar eru beðnar um að panta í aprílmánuði einungis áætlað magn fyrir börn sem fædd voru í janúar og febrúar 2011 þar sem takmarkað magn bóluefnis verður til ráðstöfunar þar til niðurstaða útboðs liggur fyrir. Í maí verður hægt að panta magn fyrir börn fædd í mars 2011. Synflorix bóluefni er afgreitt af Distica.


Seltjarnarnesi 11. apríl 2011
Sóttvarnalæknir

 

Sent til heilbrigðisstofnana og heimilislækna í Reykjavík.
Afrit: Velferðarráðuneytið, Lyfjastofnun, Læknablaðið og Tímaritið Hjúkrun.

 

<< Til baka