16.05.17

Tóbakslaus bekkur lokaverkefni 2016-2017. Úrslit

Sjá stærri mynd

Samkeppninni Tóbakslaus bekkur - meðal tóbakslausra 7., 8. og 9. bekkja í skólum landsins skólaárið skólaárið 2016-17 er lokið og liggja úrslit fyrir.

Samtals 240 bekkir víðsvegar um landið tóku að þessu sinni þátt í keppninni.

Á skólaárinu þurftu bekkirnir að staðfesta fimm sinnum að þeir væru tóbakslausir og voru þá með í útdrætti um vinninga. Vinningarnir voru húfur en auk þess fengu allir þátttakendur vatnsbrúsa að gjöf.

Úrslit

Tíu bekkir frá tíu skólum sem sendu inn lokaverkefni unnu til verðlauna. Verðlaunaupphæðin nemur 5.000 krónum fyrir hvern skráðan nemanda í bekknum sem þeim er frjálst að ráðstafa að vild. 

Eftirtaldir bekkir hljóta verðlaun:

Áslandsskóli

7.EÞ Tindaheimar

Hafnarfjörður

Giljaskóli

9.SM

Akureyri

Glerárskóli

7.IKG

Akureyri

Glerárskóli

7.KJ

Akureyri

Grunnskóli Grundarfjarðar

7. bekkur

Grundarfjarðarbær

Hrafnagilsskóli

7. bekkur

Eyjafjarðarsveit

Langholtsskóli

7.IS

Reykjavík

Langholtsskóli

7.GJJ

Reykjavík

Langholtsskóli

7.HS

Reykjavík

Víðistaðaskóli

7. SM

Hafnarfjörður

Til að eiga möguleika á fyrstu verðlaunum þurftu nemendur bekkjanna að senda inn áhugavert efni tengt tóbaksvörnum. Nánari útfærsla var ekki skilgreind til að þrengja ekki hugmyndir að verkefnum en beðið var um að þeim væri skilað á rafrænu formi.

Við gerð margra verkefna var leitað út fyrir skólastarfið og þannig stuðlað að samvinnu, miðlun og öflun þekkingar um skaðsemi tóbaksnotkunar.

Mörg áhugaverð verkefni bárust og má sem dæmi nefna leiknar stuttmyndir, fræðslufyrirlestra, frumsamin lög og veggspjöld.

Embætti landlæknis óskar vinningshöfum innilega til hamingju og þakkar öllum kennurum og nemendum fyrir þeirra framlag og ánægjulegt samstarf.

Viðar Jensson,
verkefnisstjóri

<< Til baka