Landlæknisembættið - Directorate of Health

Alþjóðleg tölfræðiflokkun sjúkdóma og skyldra heilbrigðisvandamála, 10. endurskoðun (International Statistical Classification of Diseases and Health Related Problems, 10^th revision), kallast ICD-10 í daglegu tali. Flokkunarkerfið er gefið út af Alþjóðaheilbrigðismálastofnuninni (WHO) sem heldur sérstakar vefsíður um ICD-10 og reglulegar uppfærslur þess. Uppfærslur hér á landi taka mið af fyrirmælum WHO um gildistöku þeirra.

  ICD-10. Um uppfærslu 2010

Flokkunarkerfið samanstendur af 20 aðalköflum og mismörgum undirköflum. Aðalkaflarnir skrá ýmist sjúkdómsgreiningar sem tengjast ákveðnum líffærakerfum, eftir tegund sjúkdóms eða orsök hans (svo sem smitsjúkdómar og krabbamein). Enn aðrir skrá tilvik vegna ytri orsaka, svo sem slysa. Á sjúkrahúsum er gert ráð fyrir nýtingu á fullri nákvæmni þess en í heilsugæslu er kóðað með þriggja stafa kóðum, nema þegar aðrar kröfur eru um nákvæmni, svo sem með tilkynningarskylda sjúkdóma. Allar breytingar á milli útgáfa eru tíundaðar í Excel útgáfum, gildistaka nýrra kóða og textabreytingar eða þýðingar.

ICD-10 er notað við skráningu sjúkdómsgreininga og hefur verið birt á bókarformi á ensku og íslensku og í rafrænni umgjörð bæði til vefbirtingar (sjá vísan á skafl.is í ramma hér til hægri) og til notkunar í hugbúnaðarkerfum heilbrigðisstofnana.