Bólusetningar ung- og smábarna
Fyrirkomulag barnabólusetninga á Íslandi eftir 1. mars 2010
| Aldur: | Bólusetning gegn: | Bóluefni: |
|
3 mánaða |
Kikhósta, barnaveiki, stífkrampa, Haemofilus influenzae sjúkdómi gerð b (Hib) og mænusótt í einni sprautu. Pneumokokkum í annarri sprautu. |
Infanrix Polio Hib Synflorix |
| 5 mánaða | Kikhósta, barnaveiki, stífkrampa, Haemofilus influenzae sjúkdómi gerð b (Hib) og mænusótt í einni sprautu. Pneumokokkum í annarri sprautu. |
Infanrix Polio Hib Synflorix |
| 6 mánaða | Meningókokkum C. | Neisvac-C |
| 8 mánaða | Meningókokkum C. | Neisvac-C |
| 12 mánaða | Kikhósta, barnaveiki, stífkrampa, Haemofilus influenzae sjúkdómi gerð b (Hib) og mænusótt í einni sprautu. Pneumokokkum í annarri sprautu. |
Infanrix Polio Hib Synflorix |
| 18 mánaða | Mislingum, hettusótt og rauðum hundum í einni sprautu. | Priorix |
| 4 ára | Barnaveiki, stífkrampa og kikhósta í einni sprautu. | Boostrix |
| 12 ára | Mislingum, hettusótt og rauðum hundum í einni sprautu. | Priorix |
| 14 ára | Barnaveiki, stífkrampa og kikhósta ásamt mænusótt einni sprautu. | Boostrix Polio |
Grunnbólusetning gegn kikhósta, barnaveiki, stífkrampa, Haemofilus influenzae sjúkdómi (gerð b) og mænusótt felst í 3 bólusetningum, við 3ja, 5 og 12 mánaða aldur og á sama aldri gegn pneumokokkum í annarri sprautu. Til að styrkja vörnina er bólusett við barnaveiki, stífkrampa og kikhósta við 4 ára aldur og við 14 ára aldur er endurtekin bólusetning gegn barnaveiki, stífkrampa, kikhósta og mænusótt. Eftir það er ráðlagt að viðhalda vörnum með endurbólusetningu á 10 ára fresti, að minnsta kosti ef verið er að ferðast til landa þar sem viðkomandi sjúkdómar eru landlægir.
Grunnbólusetning við mislingum, hettusótt og rauðum hundum er gefin við 18 mánaða aldur en örvunarskammtur er gefinn við 12 ára aldur og eiga einstaklingar þá að vera varðir ævilangt gegn þessum sjúkdómum.
Sjá meira undir Sóttvarnir:
Aukaverkanir
Eru bólusetningar hættulegar?
Leiðbeiningar um bólusetningar fyrir heilbrigðisstarfsfólk
Um einstaka smitsjúkdóma sem bólusett er gegn:
Smitsjúkdómar A-Ö
Síðast breytt / uppfært 12. apríl 2011