Landlæknisembættið - Directorate of Health

7. febrúar 2007. Siv Friðleifsdóttir heilbrigðis- og tryggingamálaráðherra undirritar samkomulag um þáttöku Íslands í verkefninu á málþingi um öryggi í heilbrigðisþjónustu.

Ísland er formlega þátttakandi í verkefninu Hreinlæti og örugg heilbrigðisþjónusta haldast í hendur (á ensku Clean Care is Safer Care) á vegum Alþjóðaheilbrigðis-málastofnunarinnar, en heilbrigðisráðherra undirritaði yfirlýsingu þess efnis í febrúar 2007.

Þegar hafa heilbrigðisráðherrar 40 þjóða undirritað slíka yfirlýsingu, þeirra á meðal Ástralía, Bretland og Finnland. Undirritun yfirlýsingarinnar felur í sér ákveðna skuldbindingu um að taka þátt í að vinna að fækkun sýkinga sem eiga upptök sín í heilbrigðisþjónustu með ákveðnum aðgerðum svo sem:

• Viðurkenna ógn sýkinga sem eiga upptök sín í heilbrigðisþjónustu.
  
  
• Halda uppi stöðugum áróðri á landsvísu til að bæta handþvott meðal heilbrigðisstarfsmanna.
  
  
• Bæta aðgengi áreiðanlegra upplýsinga um sýkingar sem eiga upptök sín í heilbrigðisþjónustu til að geta gripið til viðeigandi ráðstafana.
  
  
• Deila reynslu og ef við á upplýsingum frá samtökunum World Alliance for Patient Safety sem eru á vegum Alþjóðaheilbrigðismálstofnunarinnar. 
  
  
• Íhuga að nota verklagsreglur og vinnuleiðbeiningar Alþjóðaheilbrigðismálstofnunarinnar til að berjast gegn sýkingum sem eiga upptök sín í heilbrigðisþjónustu, s.s. varðandi handþvott, blóðgjafir, sprautugjöf, bólusetningar, klínískar aðgerðir, notkun vatns, hreinlæti og förgun úrgangs

Jafnframt felur yfirlýsingin í sér skuldbindingu til að vinna með heilbrigðisstarfsfólki og samtökum þeirra til þess að:

• Efla fagleg vinnubrögð til að draga úr hættu á sýkingum sem eiga upptök sín í heilbrigðisþjónustu.
  
  
• Hvetja til frekari samvinnu rannsóknarstofnana, háskóla og annarra skóla þar sem menntun heilbrigðisstétta fer fram svo og heilbrigðisstofnana til að tryggja full not fyrirliggjandi þekkingar á sýkingum sem eiga upptök sín í heilbrigðisþjónustu.
  
  
• Hvetja yfirstjórnendur til að styðja og efla lykilstarfsfólk í að vera fyrirmyndir við að innleiða aðferðir til að sporna við sýkingum, sem eiga upptök sín í heilbrigðisþjónustu.

Uppfært 31. ágúst 2009