Klínískar leiðbeiningar þessar um notkun clópídógrel (Plavix®) hjá sjúklingum með bráð kransæðaeinkenni ná til sjúklinga með bráð kransæðaeinkenni án ST hækkunar (non-ST segment-elevation) (NSTEMI)*.

Clópídógrel er thienopyridine blóðflöguhemjandi lyf sem óafturkræft hamlar samloðun blóðflagna og er skráð til notkunar með acetýlsalicýlsýru hjá einstaklingum með bráð kransæðaeinkenni án ST hækkunar og eru metnir í há-áhættu eða meðal-áhættu (sjá klínískar leiðbeiningar um meðferð sjúklinga með bráð kransæðaeinkenni hér neðar).

Leiðbeiningarnar byggja að mestu á einni rannsókn (CURE**) og gera grein fyrir aukaverkunum og hlutfallslegum og beinum ávinningi af meðferð með clópídógrel sem viðbót við aðra meðferð og alltaf með acetýlsalicýlsýru. Leiðbeiningarnar ráðleggja 300mg clópídógrel (Plavix ®) í fyrsta skammti og síðan 75 mg á dag í allt að 12 mánuði og þá með acetýlsalicýlsýru 75 til 325 mg á dag. Heppilegasta meðferðarlengd er ekki að fullu þekkt en mestur ávinningur fæst með clópídógrel fyrstu 3 mánuðina eftir bráð kransæðaeinkenni en ávinningur af meðferð umfram 12 mánuði er ekki þekktur. Eftir 12 mánuði er ráðlagt að hætta clópídógrel en halda áfram acetýlsalicýlsýru.

Þetta er í samræmi við klínískar leiðbeiningar unnar á vegum Hjartasjúkdómafélags íslenskra lækna og hjartalækna Landspítala-Háskólasjúkrahúss og birtar á heimasíðu Landlæknisembættisins 27 mars 2002. Sjá: Klínískar leiðbeiningarum rannsókn og meðferð sjúklinga með brjóstverki og um meðferð bráðra kransæðaeinkenna http://www.landlaeknir.is/template1.asp?pageid=453

*Áður var talað um óstöðuga hjartaöng eða hjartadrep án ST-hækkunar eða Q-takka þróunar. Nú flokkað í sjúklinga með ST-hækkun eða ST-lækkun (eða án afgerandi línuritsbreytinga).

**The CURE Investigators. Effects of clopidogrel in addition to aspirin in patients with acute coronary syndromes without ST-segment elevation. N Engl J Med. 2001;345:494-502.