Flogaveiki: Greining og meðferð hjá börnum og fullorðnum

The diagnosis and care of children and adults with epilepsy
http://www.nice.org.uk/page.aspx?o=227586

Útgefið af NICE 27. október 2004
Heildarleiðbeiningar (397 bls.)

Samantekt fyrir börn (C) og fullorðna (A), 20 bls. hvor.

Heildarleiðbeiningarnar frá NICE fjalla um greiningu og meðferð á flogaveiki barna og fullorðinna bæði í heilsugæslu og á sjúkrastofnunum. Þetta eru mjög ítarlegar leiðbeinigar (397 bls.). Einnig var gefin út samantekt heildarleiðbeininganna, en þar er þeim skipt upp annars vegar í meðferð og greiningu barna en hins vegar fullorðinna. Samantektin er sett upp á mjög skematískan hátt með flæðiriti yfir greiningu, en einnig eru góðar töflur yfir lyfin og hvaða lyf séu æskilegust við hverri tegund af flogaveiki og hver beri að forðast. Þá eru einnig töflur yfir helstu aukaverkanir flogaveikilyfja.

Í fréttatilkynningu með leiðbeiningunum var m.a. lögð sérstök áhersla á að sérfræðingur skoði alla sjúklinga þar sem grunur er um flogaveiki, allir sjúklingar eigi ítarlega meðferðaráætlun (care plan) sem sé samþykkt af þeim sem koma að meðferðinni, meðferð sé endurskoða ekki sjaldnar en á 12 mánaða fresti og sjúklingur ásamt umönnunaraðilum skuli vera þátttakendur í öllum ákvörðunum um meðferð flogaveikinnar.

Í heildarleiðbeiningunum er rétt að benda á að auk hefðbundinna kafla um flokkun, greiningu, rannsóknir og meðferð mismunandi tegunda flogaveiki er sérstaklega fjallað um:

a. Gæðamælingar og hvernig bæta megi gæði þjónustunnar.

b. Upplýsingagjöf til sjúklinga og aðstandenda og atriði í upplýsingagjöf sem stuðla að bættri meðferð og upplýstri ákvarðanatöku.

c. Meðhöndlun einstakra hópa, svo sem kvenna á barneignaraldri, þungaðra kvenna, aldraðra og fleiri.

d. Svið í meðferð flogaveiki þar sem betri rannsóknir vantar

Auk þessa er mikilvægt að benda á að heildarleiðbeiningunum fylgja nokkrir viðaukar sem hlaða þarf niður sérstaklega (umfram þessar 397 bls):
Appendix A – Differential diagnosis of epilepsy (31 bls)

Appendix B – Drug tables (13 bls)
Appendix C – Guidelines for status epilepticus (6 bls)

Appendix D – Information for women with epilepsy (7 bls)

Appendix E – Key clinical questions (7 bls)

Appendix F – Evidence tables (48 bls)

Appendix G – Costs of epilepsy misdiagnosis (14 bls)

Appendix H – Prognosis for remission of seizures (2 bls)

Upplýsingar til sjúklinga og aðstandenda þeirra voru einnig gefnar út samtímis heildarleiðbeiningunum.