Byltur: Mat á áhættu og aðgerðir til að fyrirbyggja byltur hjá eldra fólki

The assessment and prevention of falls in older people

Útgefið af NICE 24. nóvember 2004.

Samantekt (29 bls.)

Upplýsingar ætlaðar almenningi / sjúklingum (27 bls.)
Heildarleiðbeiningar (180 bls.)

Vinsamlega athugið að heildarleiðbeiningarnar eru ekki enn tilbúnar en vísað er í drögin sem send voru út til kynningar í apríl 2004 (second consultation draft) og viðbótarefni, s. s. sönnunartöflur (áhættuþættir, inngrip, endurhæfing og fleira).

Leiðbeiningarnar frá NICE fjalla um mikilvægi þess að finna einstaklinga í aukinni hætti á byltum. Þetta er gert með því að finna þá sem þegar hafa dottið eða eru með sérstaka áhættuþætti, svo sem jafnvægisleysi og eða truflun á göngulagi. Þessum einstaklingum á að bjóða formlegt mat á byltuhættu sem m.a. felur í sér mat á göngulagi, jafnvægi, hreyfanleika, vöðvastyrk, sjón, umhverfishættum (heima fyrir fyrst og fremst), ástandi hjarta- og æðakerfis og lyfjanotkun. Með þessu móti ætti að vera hægt að finna þá sem mest gagn hafa af aðgerðum sem geta dregið úr byltum.

Í leiðbeiningunum eru ráðleggingar sem byggja á bestu rannsóknum og eru ætlaðar heilbrigðisstarfsfólki, sjúklingum og aðstandendum. Leiðbeiningarnar ná til aldraðra sem búa heima eða í vernduðu umhverfi en ekki til þeirra sem eru á stofnunum eða eru rúmfastir. Þær ná bæði til einstaklinga sem leita til heilsugæslu og þeirra sem leita á sjúkrastofnanir eftir byltur.