Landlæknisembættið

Svefninn

Svefn og hvíld skipta miklu máli til að halda góðri heilsu og vellíðan. Því er mikilvægt að hugað sé að því alla ævi að svefnþörfinni sé mætt. Það sama gildir um hvíldina og nauðsynlegt er að gefa sér tíma til að slaka á í dagsins önn.

Nú í desember vill ýmislegt annað brenna við en smákökurnar, til dæmis að fólk unni sér ekki nægilegs svefns og enn síður hvíldar. Gefum okkur tíma til að njóta kyrrðar og hvíldar á aðventunni annað hvort í einrúmi eða með fjölskyldu og vinum.

Vel þekkt er að akstur og áfengi fer ekki saman. Færri gera sér grein fyrir að syfjaður bílstjóri getur verið jafnhættulegur í umferðinni og sá ölvaði. Ef maður er illa eða lítið sofinn ætti bíllinn að fá að hvíla sig líka.

Greinarnar hér fyrir neðan hafa allar birst í Morgunblaðinu, hluti þeirra birtust sem Hollráð Morgunblaðinu og á vef Landlæknisembættisins í desember 2000.