Landlæknisembættið

Hjartað

Rannsóknir Hjartaverndar sýna að frá 1981-2001 lækkaði dánartíðni karla á aldrinum 25-74 ára vegna kransæðastíflu um 69%, en kvenna á sama aldri um 56%.

Nýgengi (þ.e. tíðni nýrra tilfella) lækkaði álíka mikið og mest í yngstu aldursflokkunum. Þannig hefur dánartíðni og nýgengi kransæðastíflu meðal karla yngri en 40 ára lækkaði um meira en 70%.

Heildartíðni kransæðastíflu (ný og endurtekin tilfelli) hefur lækkað um 55% hjá körlum og um 51% hjá konum. Þess ber að geta að hjarta- og æðasjúkdómar eru mun fátíðari meðal kvenna en karla fram að tíðahvörfum en eftir þau minnkar munur á milli kynja. (Heimild: Tímaritið HJARTAVERND, 39.árg, 1.tbl. des. 2004, bls.11)

Landlæknisembættið leggur áherslu á forvarnir hjarta- og æðasjúkdóma og þá einkum með tilliti til þess hvernig fólk getur með stuðningi heilbrigðisstarfsfólks og annarra unnið gegn áhættuþáttum þeirra.

Hjartað púlar fyrir þig allan sólarhringinn, allt þitt líf.

Þú getur styrkt hjartað og auðveldað því puðið. Taktu til fótanna. Rösk ganga í samtals 30 mínútur á dag dregur úr blóðfitumyndun, lækkar blóðþrýsting og styrkir hjartað og æðakerfið.
Borðaðu góðan og hollan mat; litríka ávexti, ferskt grænmeti, fitulítið kjöt, ferskan fisk, léttar mjókurvörur og pasta. Njóttu matarins í næði.
Mundu að reykingar orsaka hjartasjúkdóma. Reykingamaður er í tvöfalt meiri hættu á að fá kransæðastíflu.
Er blóðþrýstingurinn í lagi? Eftir fimmtugt ætti að mæla hann annað hvert ár.

Léttu hjartanu lífið og lífið verður betra.

Greinum undir yfirflokknum Hjartað er raðað í tímaröð eftir birtingardegi þeirra á síðum Morgunblaðsins, þeim nýjustu efst. Elstu greinarnar eru frá þemamánuði Landlæknisembættisins um hjartasjúkdóma og forvarnir gegn þeim, sem birtust sem Hollráð á vef embættisins í apríl 2000.

Kransæðasjúkdómar hrjá líka konur. 2. október 2004

Sjálfvirk rafstuðstæki. 5. nóvember 2003

Áhættureiknivél. 1. október 2003

Þú gætir bjargað mannslífi. September 2002

Hringja og hnoða. September 2002

Hjartastopp - hvað eiga nærstaddir að gera? 14. september 2002

Áhættuþættir hjartasjúkdóma. Apríl 2000

Um hjartasjúkdóma. Apríl 2000

Sýkingar og hjartasjúkdómar. Apríl 2000

Meingerð kransæðasjúkdóms. Apríl 2000

Annað efni á þessum vef

Klínískar leiðbeiningar: Hjarta- og æðasjúkdómar