Áfengisdrykkja unglinga
Unglingsár eru spennandi ár. Réttindi og skyldur aukast, tilraunir með mörk og viðmið, þróun sjálfsímyndar og allt þetta skemmtilega sem þó er svo erfitt eru hluti af því þroskast frá barni til fulltíða manns.
Á unglingsárum er ýmislegt prófað sem þótti áður alveg undir drep hallærislegt og átti sko aldrei að prófa. Unglingar standa frammi fyrir margvíslegum tilboðum og tækifærum. Möguleikarnir virðast óþrjótandi og unglingar þurfa sjálfir að velja sinn lífsstíl í nútíð og framtíð. Þeir þurfa að taka afstöðu til margra mála og eitt þeirra er áfengi.
Samkvæmt rannsóknum (ESPAD) hefur meirihluti 15 ára unglinga hérlendis prófað áfengi áður en grunnskóla lýkur. Þróunin virðist samt sem áður vera sú að æ fleiri unglingar fresta því að smakka áfengi. Þeim unglingum hefur líkað fækkað sem drukkið hafa sig ölvaða og samkvæmt sömu rannsóknum er það fátíðara en áður að íslenskir unglingar lendi í margvíslegum erfiðleikum vegna áfengisdrykkju.
Aldursmörk til áfengiskaupa
Flest lönd hafa sett aldursmörk til kaupa á áfengi. Víðast hvar er hann 18-21 ár en hér er hann 20 ár. Það er þó alkunna að margir byrja að drekka áfengi löngu áður en löglegum aldri til þess er náð. Ástæðurnar fyrir því að aldursmörk eru sett eru þær að miklu munar á andlegum, líkamlegum og félagslegum þroska unglinga og fulltíða fólks. Það dregur úr skaðanum af völdum áfengisneyslu, bæði fyrir einstaklinga og samfélagið í heild, að unglingar neyti ekki áfengis fyrr en þeir hafa tekið út ákveðinn þroska.
Við það að unglingurinn fer í framhaldsskóla virðist sem mörk og reglur séu færð út. Strax við fyrsta dansleik vetrarins er línan lögð, áfengisneysla er talin sjálfsögð. Þeir sem ekki vilja neyta áfengis, a.m.k. ekki strax, þurfa nú stuðning og aðhald sinna nánustu til að geta staðið við sína afstöðu. Sjálfræðisaldurinn er 18 ár og foreldrar og forráðmenn þurfa að vera ófeimnir við að setja mörkin og styðja börnin gegn áfengisneyslu. Hvernig geta foreldar gert það?
Á unglingsárum er ýmislegt prófað sem þótti áður alveg undir drep hallærislegt og átti sko aldrei að prófa. Unglingar standa frammi fyrir margvíslegum tilboðum og tækifærum. Möguleikarnir virðast óþrjótandi og unglingar þurfa sjálfir að velja sinn lífsstíl í nútíð og framtíð. Þeir þurfa að taka afstöðu til margra mála og eitt þeirra er áfengi.
Samkvæmt rannsóknum (ESPAD) hefur meirihluti 15 ára unglinga hérlendis prófað áfengi áður en grunnskóla lýkur. Þróunin virðist samt sem áður vera sú að æ fleiri unglingar fresta því að smakka áfengi. Þeim unglingum hefur líkað fækkað sem drukkið hafa sig ölvaða og samkvæmt sömu rannsóknum er það fátíðara en áður að íslenskir unglingar lendi í margvíslegum erfiðleikum vegna áfengisdrykkju.
Aldursmörk til áfengiskaupa
Flest lönd hafa sett aldursmörk til kaupa á áfengi. Víðast hvar er hann 18-21 ár en hér er hann 20 ár. Það er þó alkunna að margir byrja að drekka áfengi löngu áður en löglegum aldri til þess er náð. Ástæðurnar fyrir því að aldursmörk eru sett eru þær að miklu munar á andlegum, líkamlegum og félagslegum þroska unglinga og fulltíða fólks. Það dregur úr skaðanum af völdum áfengisneyslu, bæði fyrir einstaklinga og samfélagið í heild, að unglingar neyti ekki áfengis fyrr en þeir hafa tekið út ákveðinn þroska.
Við það að unglingurinn fer í framhaldsskóla virðist sem mörk og reglur séu færð út. Strax við fyrsta dansleik vetrarins er línan lögð, áfengisneysla er talin sjálfsögð. Þeir sem ekki vilja neyta áfengis, a.m.k. ekki strax, þurfa nú stuðning og aðhald sinna nánustu til að geta staðið við sína afstöðu. Sjálfræðisaldurinn er 18 ár og foreldrar og forráðmenn þurfa að vera ófeimnir við að setja mörkin og styðja börnin gegn áfengisneyslu. Hvernig geta foreldar gert það?
- Með því að útvega börnum sínum ekki áfengi né aðstöðu til drykkju
- Vera börnum sínum fyrirmyndir
- Leyfa ekki eftirlitslaus partý
- Hvetja og styðja nemendafélög í að halda áfengislausar skemmtanir
- Ræða við börn sín á hreinskilinn hátt um áfengi og önnur vímuefni
- Þekkja vinahóp barna sinna
- Vera samstíga og senda skýr skilaboð
Hildur Björg Hafstein
Verkefnisstjóri áfengis- og vímuvarna
Lýðheilsustöð
Birtist í Mbl. 25. september 2004
Uppfært 5. nóvember 2008
Efnisflokkar hollráða
Efnisflokkar hollráða