Landlæknisembættið - Directorate of Health

Helstu verkefni tanntækna eru að:

• aðstoða tannlækna við aðgerðir, svara í síma og sjá um sjúkraskýrslur og birgðahald á tannlæknastofum
• taka til sjúklingaspjaldskrá hvers dags og undirbúa tannlæknastofu að morgni, ganga frá stofu að loknum vinnudegi, þ.e. hreinsa tannlæknastól, skol, borð og skápa
• taka við tímapöntunum
• taka á móti sjúklingum og búa þá undir meðferð
• taka til áhöld sem nota þarf við aðgerðir, blanda fyllingar, efni í afsteypur o.þ.h., undirbúa og taka röntgenmyndir og framkalla filmur
• veita tannlæknum aðstoð meðan á aðgerð stendur
• sótthreinsa áhöld og búnað eftir hverja notkun
• aðstoða við að taka mát og afsteypur og smíða tannlíkön
• binda inn boga, festa tyllur á tennur og forma beisli hjá tannréttingasérfræðingum
• sjá um daglegt viðhald á tækjum, s.s. smurningu, kaupa inn áhöld og efni t.d. í fyllingar, afsteypur og til sótthreinsunar
• halda skýrslu um þá meðferð sem hver sjúklingur fær, taka við greiðslum frá sjúklingum, færa endurgreiðslureikninga og sjá í sumum tilvikum um bókhald tannlæknastofum
• starfa ýmist á almennum tannlæknastofum eða hjá tannlæknum sem sérhæfa sig t.d. í barnatannlækningum, kjálkaskurðlækningum, tannréttingum eða tannholdslækningum.

Um tanntækna gildir reglugerð nr. 259/1998. Með þeirri reglugerð var felld niður reglugerð um réttindi og skyldur aðstoðarmanna tannlækna nr. 258/1990.

Félag tanntækna og aðstoðarfólks tannlækna

Uppfært 4. nóvember 2008