Landlæknisembættið - Directorate of Health

Starfsfólk heilbrigðisþjónustunnar myndar heild þar sem hver hefur sitt hlutverk. Til þess að geta fullnægt skyldum sínum hefur heilbrigðisþjónustan á að skipa heilbrigðisstéttum, en það eru þær stéttir sem sem njóta lögverndaðs starfsheitis og þurfa starfsleyfi landlæknis til að starfa. Á Íslandi eru starfandi 32 heilbrigðisstéttir, sumar hverjar einnig með lögverndað starfssvið.

Innan heilbrigðisþjónustunnar starfar þar að auki fólk með sérþekkingu á öðrum sviðum, s.s. lögfræði, verkfræði, viðskiptafræði, svo og stór hópur sem sinnir almennum störfum, ræstingum, skrifstofustörfum, öryggisgæslu o.fl.  

Hinn 1. apríl 2008 tóku gildi lög um breytingu á ýmsum lögum vegna flutnings á útgáfu starfsleyfa til landlæknis. Með hinum nýju lögum tekur Landlæknisembættið við hlutverki heilbrigðisráðuneytisins og veitir öllum heilbrigðisstéttum starfsleyfi. Umsóknir um starfsleyfi heilbrigðisstétta verða alfarið afgreiddar hjá Landlæknisembættinu, en umsóknarferlið sjálft er í stórum dráttum óbreytt.

Sótt er um starfsleyfi til Landlæknisembættisins á þar til gerðum eyðublöðum. Hið sama gildir um sérfræðileyfi tiltekinna heilbrigðisstétta. Eyðublöðin er hægt að nálgast hér á vefnum (sjá síðuna Starfsleyfi.  Landlæknir leggur faglegt mat á hvort öllum skilyrðum fyrir veitingu starfsleyfisins hefur verið fullnægt og gefur síðan út starfsleyfið.

Hér fyrir neðan er listi yfir allar heilbrigðisstéttir sem njóta lögverndaðs starfsheitis og þurfa starfsleyfi landlæknis.

Síðast breytt/uppfært 14. október 2010