Landlæknisembættið - Directorate of Health

Mikið álag er fyrir aldraðan einstakling að flytja á hjúkrunarheimili, þó það geti um leið verið viss léttir. Góðan tíma þarf til að aðlagast breyttum aðstæðum, taka á móti upplýsingum um heimilishagi, kynnast umönnunaraðilum og öðrum íbúum. Taka þarf tillit til annarra eins og á hverju öðru heimili og því mikilvægt að íbúar komi óskum sínum á framfæri og taki þátt í að móta heimilisbraginn. Meginmarkmið þjónustunnar er að styðja við íbúa og stuðla að velferð þeirra í hvívetna þrátt fyrir sjúkdóma og fötlun.

Landlæknisembættið vonar að þetta rit komi þeim sem reka hjúkrunarheimili að gagni við gæðaþróun heilbrigðisþjónustunnar á heimilunum. Einnig er ritið gagnlegt fyrir þá sem búa á eða eru að sækja um vist á hjúkrunarheimili og aðstandendur þeirra.

Ritið verður aðeins gefið út á rafrænu formi og má nálgast það á vefsetri Landlæknisembættisins, www.landlaeknir.is

Seltjarnarnesi, 3. júlí 2008
Landlæknir

Sent hjúkrunar- og dvalarheimilum aldraðra

 Uppfært 28. nóvember 2008