Landlæknisembættið - Directorate of Health

Starf stoðtækjafræðinga felst í gerð, viðhaldi og eftirliti stoðtækja, en með stoðtæki er átt við vélrænan eða tæknilegan búnað sem er liður í meðferð sjúkdóma eða aðlögunar útlima. Dæmi um slík stoðtæki eru gervilimir sem koma að hluta eða öllu leyti í stað útlims og spelkur sem koma í staðinn fyrir eða laga skerta getu líkamshluta.

Stoðtækjafræðingar starfa á eigin ábyrgð en eru í starfi sínu háðir faglegu eftirliti landlæknis

Stoðtækjafræðingar fengu löggildingu sem heilbrigðisstétt með reglugerð heilbrigðisráðherra sem samþykkt var 9. maí 2007.

Stoðtækjafræðingar hafa með sér félagsskap, Félag stoðtækjafræðinga. Formaður þess er Þórir Jónsson stoðtækjafræðingur.

Uppfært 4. nóvember 2008