Landlæknisembættið - Directorate of Health

Desember 2005: Leiðbeiningar eru í endurskoðun

Leiðbeiningar þessar eru unnar af vinnuhópi á vegum landlæknis.  Vinnuhópurinn (Haukur Hjaltason, Finnbogi Jakobsson, Sigurlaug Sveinbjörnsdóttir, Sigurður Guðmundsson, Sigurður Helgason, Sigurður Thorlacius, Sigurður B Þorsteinsson og Torfi Magnússon) hefur sett saman stuttar leiðbeiningar um beta interferon meðferð við MS.  Stýrihópur um gerð klínískra leiðbeininga hefur ekki komið að þessu verki og ber ekki ábyrgð á vinnunni.

Ábending um notkun beta interferons við MS

Versnandi-rénunarform (relapsing remitting)

Ábendingar
Sjúklingar með klínískt ástand sem samræmist EDSS mælikvarða á bilinu 0 til 6,5* og með tvö eða fleiri köst á undanförnum 2 árum eða mjög tíð klínísk köst á skemmri tíma hjá nýgreindum sjúklingum

IFNB 1a
Rebif® 22 µg (6 milljón IU). Gefið undir húð (subcutan) þrisvar í viku.**
Avonex® 30 µg (6 milljón IU). Gefið í vöðva einu sinni í viku.

IFNB 1b
Betaferon 8 milljón IU. Gefið undir húð annan hvern dag.

• *Í rannsóknunum sem að baki liggja þessum ráðleggingum tóku þátt sjúklingar með frekar væga skerðingu á getu. Þeir höfðu að meðaltali um 2,6 stig á EDSS (inntökuskilyrði voru frá 0 og upp í 5,5 stig)
• ** Ef sérstakar klínískar ábendingar eru fyrir hendi er heimilt að auka skammt af Rebif® í 44 µg þrisvar í viku
.

Síversnandi sjúkdómur í kjölfar versnandi-rénunarforms (secondary progressive)

Ábendingar
Sjúklingar með versnandi sjúkdóm yfir minnst 6 mánaða tímabil óháð köstum ***
og
með klínískt ástand sem samræmist EDSS mælikvarða á bilinu 3,0 til 6,5.

IFNB
1bBetaferon 8 milljón IU. Gefið undir húð annan hvern dag

*** Skilgreint sem versnun mæld sem aukning um 1 stig eða meir á EDSS eða tvö eða fleiri köst á síðustu 2 árum)

Ráðleggingar um lok meðferðar
þar sem talið er að meðferð sé gagnslaus
Versnandi-rénunarform: (Rebif® og Avonex®) þróun yfir í síversnandi sjúkdóm í kjölfar versnandi-rénunarforms. Fyrir Betaferon® eru skilmerkin fyrir að hætta meðferð þau sömu fyrir versnandi-rénunarform og síversnandi sjúkdóm í kjölfar versnandi-rénunarforms en það er vöntun á meðferðarárangri samkvæmt eftirfarandi skilyrðum (stöðug versnun mæld með EDSS yfir 6 mánuði eða fleiri en 3 köst sem krefjast meðferðar með ACHT eða sterum á eins árs tímabili).

Unnið af vinnuhóp á vegum Landlæknisembættisins sem í voru:
Finnbogi Jakobsson, Haukur Hjaltason, Sigurður Guðmundsson, Sigurður Helgason, Sigurður Thorlacius, Sigurður B Þorsteinsson og Torfi Magnússon.

Ábendingar þessar verða í stöðugri endurskoðun af vinnuhópnum.

----------------------------------------------------------------------------------------

• Klínískar leibðeiningar um meðferð MS voru birtar á vegum National Institute for Clinical Excellence (NICE) í nóvember 2003:Management of multiple sclerosis in primary and secondary care, NICE Guideline.
• Läkemedelsverket í Svíþjóð (Medical Products Agency). Behandling av multipel skleros. 2000.  
• Center for Evaluering og Medicinsk Teknologivurdering í Danmörku (Centre for Evaluation and Health Technology Assessment): Beta-interferon behandling ved dissemineret sklerose. 1999.